Mû tapande ti nzobe ti Jéhovah
1 Na peko ti so e bâ mbeni pendere lindango ti lâ wala e te mbeni kobe so anzere mingi, bê ti e ayeke pusu e pëpe ti kiri singila na Jéhovah, Lingu ti nzoye kue? Nzobe ti lo apusu e ti mû tapande ti lo (Ps. 119:66, 68; aEph. 5:1). Tongana nyen e lingbi ti fa na gigi lengo so?
2 Na mbage ti azo ti gigi: Mbeni oko lege so e lingbi ti mû tapande ti nzobe ti Jéhovah ayeke ti fa na gigi tâ bingo bê teti ala so ayeke pëpe aita ti e ti yingo (aGal. 6:10). Fango na gigi nzobe na mungo maboko na azo alingbi ti sala si ala duti na mbeni nzoni bango ndo na ndo aTémoin ti Jéhovah nga na ndo tokua so e ga na ni.
3 Na tapande, na ngoi so lo yeke ku na mbeni da-nganga, mbeni ita-koli pionnier so ade maseka aduti ndulu na mbeni mbakoro-wali so kobela ti lo ni aye ti hon ti ambeni zo so ayeke kâ. Tongana asi na ngoi ti ita ni ti bâ wanganga ni, lo mû lege na wali so ti mû place ti lo. Na pekoni lo kiri lo tingbi na wali so na gala, na wali ni ayeke na ngia mingi ti bâ lo. Atâa so giriri lo ye pëpe ti mä nzo tënë, lo tene so fadeso lo hinga so aTémoin ti Jéhovah andoye biani azo so ayeke ndulu na ala. Na a to nda ti manda Bible lakue na lo.
4 Na mbage ti aita ti e: E lingbi nga ti mû tapande ti nzobe ti Jéhovah tongana e mveni e mû maboko na aita ti e awamabe. Na yâ ti angoi ti ye ti ngangu, e yeke na popo ti akozo zo so aga ti mû maboko na aita ti e. E yeke fa na gigi oko bibe so na ngoi so e mû maboko na azo so a yeke nzoni a yô ala na kutukutu ti gue na ala na abungbi, e bâ ala so anze na lege ti mitele, nga e kono ndoye ti e teti azo ti kongregation so e hinga ala nzoni pëpe.—2 aCor. 6:11-13; aHéb. 13:16.
5 Mbeni lege so Jéhovah afa na gigi nzobe ti lo ayeke so lo “yeke ndulu ti mû pardon”. (Ps. 86:5, NW ). Na mungo tapande ti lo, e lingbi ti fa na gigi ndoye ti e teti nzobe na dutingo ndulu ti mû pardon na bê kue na ambeni zo (aEph. 4:32). Ye so ayeke sala si songo ti e na aita ti e awamabe aduti “nzoni na a nzere mingi”.—Ps. 133:1-3.
6 Zia nzobe ti Jéhovah so awu mingi asala si e si singo na tënë ti sepela lo nga lê ti e aza na kota ngia. Nga zia a pusu e ti sala ngangu ti mû tapande ti nzobe ti lo na yâ aye kue so e yeke sala.—Ps. 145:7; Jér. 31:12.