Ye ti tene na ndo apériodique
Tour ti Ba Ndo 15 oct.
“Adesizion mingi so e ye ti mû ayeke na kota ngangu na ndo fini ti e. Ye wa alingbi ti mû maboko na e ti kpe ti mû adesizion so ayeke na lege ti ndara pëpe? [Zia zo ni akiri tënë. Na pekoni diko aProverbe 3:6]. Tour ti Ba Ndo so afa awango-tene oku so aluti na ndo Mbeti ti Nzapa na so alingbi ti mû maboko na e ti mû anzoni desizion.”
Réveillez-vous! 22 oct.
“Mo bâ so mingi ahon ti kozo, e yeke mä tënë ti gbâ ti amicrobe so ayorö ti kaïngo kobela ayeke fâ ala mbeni pëpe? [Zia zo ni akiri tënë]. Mbeti so afa nda ni so ye ni aga tongaso nga na ye so e lingbi ti sala ti bata tele ti e. A sala nga tënë na ndo zendo ti Bible ti mbeni sese so fade zo oko ayeke duti na kobela mbeni pëpe.” Diko Esaïe 33:24.
Tour ti Ba Ndo 1 nov.
“E kue na ambeni ngoi e bâ so azo abuba bê kue so e zia na ala. Mo hunda tele ti mo mbeni lâ awe, ‘Mbeni zo ayeke dä so mbi lingbi ti zia bê ti mbi kue na lo?’ [Zia zo ni akiri tënë. Na pekoni diko aProverbe 3:5]. Mbeti so afa ngbanga ti nyen e lingbi ti zia bê ti e kue na Nzapa. A fa nga tongana nyen e lingbi ti hinga azo so alingbi ti tene e zia bê ti e kue na ala.”
Réveillez-vous! 8 nov.
“Aye so a leke ni na lege ti pétrole andu ndulu na ambage kue ti fini ti e. Mo hunda tele ti mo mbeni lâ awe so fini alingbi ti duti tongana nyen, tongana aye so a leke ni na lege ti pétrole ayeke dä pëpe? [Zia zo ni akiri tënë]. Mbeti so afa tongana nyen pétrole aga ti duti mbeni ye ti kota tongaso na ngoi ti e. A fa nga ngbanga ti nyen a lingbi e sala mbito pëpe so mbeni lâ fade pétrole ayeke duti ande dä pëpe.”