Ye ti tene na ndo apériodique

Réveillez-vous! 22 sept.

“Azo mingi ayeke gi bê ti ala na ndo guengo na li ni ti kpale ti amaseka so ayeke nyon sämba ahon ndo ni. Mo mä tënë ni awe? [Zia zo ni akiri tënë. Na pekoni diko aProverbe 20:1.] Afono ti nyongo sämba ayeke zia amaseka na gbele akpale mingi. A wara na yâ article so atënë so alingbi ti mû maboko na ala ti luti na gbe ti tara ti nyongo sämba ahon ndo ni.”

Tour ti Ba Ndo 1 oct.

“E kue e ye ti bâ hunzingo ti salango ye so ake ndia, ye ti ngangu na abira. Mo pensé so fade atënë so aga tâ tënë? [Diko Psaume 37:11. Na pekoni zia zo ni akiri tënë.] Mbeti so afa tongana nyen zendo so ague oko na kozo ye so Nzapa aye ti sala teti azo, nga tongana nyen e lingbi ti wara mbage ti e dä.”

Réveillez-vous! 8 oct.

“A yeke ye ti vundu pëpe ti bâ amaseka-wali kutu mingi so ade ti sala mariage pëpe me so amû ngo? [Zia zo ni akiri tënë.] Mbeti so afa ambeni ye so ala lingbi ti sala ti hon ndo ti kpale ti batango molenge ni. A fa nga tongana nyen ababâ na mama alingbi ti mû maboko na amolenge ti ala ti kpe kpale so kozoni.” Diko 2 Timothée 3:15.

Tour ti Ba Ndo 15 oct.

“Ambeni zo atene so tongana zo ayeke na nginza mingi, fini ti lo ayeke duti nga nzoni mingi. Mo pensé so tënë so ayeke tâ tënë? [Zia zo ni akiri tënë.] Bâ tënë so mbeni koli so ândö lo yeke na mosoro mingi atene. [Diko Zo-ti-fa-tene 5:9.] Mbeti so asala tënë ti aye so ayeke na ngele mingi ahon aye ti mosoro.”