Mû maboko na ala ti mä tënë ni na mbeni ngoi nde
1 Teti so e yeke fa nzo tënë, fani mingi e yeke wara azo so alango na ambeni territoire so ayeke nde na ti e wala so ayeke tene mbeni yanga ti kodoro nde, so a lingbi ti zia na popo ni yanga ti awambongi. Ambeni zo so e sala anzoni lisoro na ala alingbi ti zia territoire ti e ti gue na mbeni ndo nde. Tongana nyen e lingbi ti leke ti tene azo tongaso amä nzo tënë ni na mbeni ngoi nde? Na salango kusala na kete mbeti Veuillez suivre l’intérêt (S-43).
2 Fani mingi, azo ayeke na nzara mingi ti mä nzo tënë tongana a fa ni na yanga ti kodoro so a dü ala na ni (Kus 22:1, 2). Ndani la, mingi ni, tongana e tingbi na mbeni zo so ayeke tene mbeni yanga ti kodoro nde, atâa zo ni afa so tokua ti Royaume ni agbu bê ti lo pëpe, a lingbi e sû mbeni ye na ndo ti kete mbeti so. Ye oko, tongana a yeke na ando so azo ti tenengo yanga ti kodoro ni so ayeke dä mingi, na so a yeke fa tënë na ala lakue na yanga ti kodoro ti ala, tongana zo ni afa na gigi so tënë ni agbu bê ti lo pëpe, a yeke duti peut-être nzoni ti sû ye na ndo ti kete mbeti ni so pëpe.
3 Sû ye na lê ti kete mbeti ni kue: Na ndara, sala kue ti hinga iri ti zo ni, ndo so lo lango dä nga na numéro ti téléphone ti lo. Fa tongana nyen tënë ni agbu bê ti lo, ngoi so a lingbi ti tingbi na lo, iri ti mbeti so mo zia na maboko ti lo wala so lo ye ti wara ni nga yanga ti kodoro so lo gbu nda ni nzoni mingi. Na peko ti so mo sû ye ni na lê ti kete mbeti so awe, mû ni hio na secrétaire ti kongregation. Fade lo yeke tokua ni na mbeni kongregation wala groupe so alingbi na ni.
4 Tokuango kete mbeti ni so: Tongana secrétaire ti kongregation ni ahinga pëpe kongregation wa a lingbi lo tokua kete mbeti ni so dä wala lo hinga pëpe adresse ti mbeni kongregation, lo lingbi ti pika singa na filiale na biröo so abâ lege ti kusala ti fango tënë ti wara ambeni tënë na ndo ni. Na ngoi so a yeke tokua kete mbeti ni so, a yeke kota ye pëpe ti sala tënë ni na surveillant ti gbata.
5 Lakue, so mbeni kongregation wala mbeni groupe ayeke wara kete mbeti Veuillez suivre l’intérêt so a sû ye na lê ni awe, a lingbi a leke ye hio ti tene a sala vizite na zo ni. Teti so e yeke mû mbage ti e nzoni na yâ kusala ni, e lingbi ti duti na beku so Jéhovah ayeke zi ande bê ti ala so “ayeke na yâ mbilimbili dutingo so a hunda teti fini ti lakue lakue”.—Kus. 13:48, NW.