Lege ti sara kusala na mbeti Veuillez suivre l’intérêt (S-43)
Sara kusala na mbeti so na ngoi so mo tingbi na mbeni zo so ayeda na tënë ni me so lo lango na yâ ti mbeni territoire nde wala so atene yanga ti mbeni kodoro nde. Kozo e yeke sara kusala na ni na ngoi so e tingbi na azo so ayeke tene yanga ti mbeni kodoro nde, atâa ala yeda na tënë ni wala pëpe, me ti fadeso e yeke sara kusala na ni gi tongana ala yeda na ni. Gi ti awambongi la ayeke ti lo nde. Tongana e tingbi na mbeni wambongi, si lo yeda na tënë ni wala pëpe, a lingbi e sû ni na yâ ti mbeti S-43.
Na peko ti so e sû mbeti ni awe, e yeke sara tongana nyen? E yeke mû ni na secrétaire ti congrégation ti e. Tongana lo hinga congrégation so a lingbi lo tokua ni dä, lo lingbi ti tokua gi ni na a-ancien ti congrégation ni so si ala lingbi ti mû maboko na zo ni. Tongana lo hinga congrégation so lo lingbi ti tokua mbeti ni dä pëpe, a yeke nzoni lo tokua ni na biröo ti filiale.
Me tongana zo ni so atene yanga ti kodoro nde na lo lango na yâ ti territoire ti mo, mo lingbi ti ngbâ lakue ti kiri ti bâ lo juska na ngoi so mo wara na lo mbeni wafango tënë ti congrégation so ayeke sara bungbi na yanga ti kodoro ti lo.—Bâ Kusala ti Royaume ti novembre 2009, lembeti 4.