Vidéo so asala nzoni na azo lakue
Kpengba tënë wa ayeke na yâ ti vidéo David: il mettait sa confiance en Dieu? Tënë ni ayeke so: a lingbi e kue e zia bê ti e na Jéhovah tongana ti David (Ps. 91:2). Na bango akpengba ye so asi na yâ fini ti David, a yeke mû maboko na amolenge nga na akota zo ti manda ye na ndo tapande so lo zia ni (Ps. 31:15). Teti nzoni ti e, a zia nga na yâ ti limon so a pete ni na ndo DVD mbeni mbage so a hiri ni “Tara hingango ye ti mo” nga na gbâ ti “Alege ti manda na ye.”
Bâ vidéo ni, na pekoni tara hingango ye ti mo: (1) Ngbanga ti nyen Jéhovah asoro lani mbeni gbia so ayeke nzoni ahon lo ti kozoni? (1 Sam. 15:10, 11; 16:1). (2) Ngbanga ti nyen lo soro lani pëpe mbeni oko ti aita ti David ti koli? (1 Sam. 16:6, 7). (3) Ngbanga ti nyen Saül aye David ti pika harpe na lo? (1 Sam. 16:14-23). (4) Goliath ayeke lani zo wa? (1 Sam. 17:4-10). (5) Ngbanga ti nyen David aye lani ti tiri na Goliath? (1 Sam. 17:23, 24, 36, 37). (6) Jonathan ayeke lani zo wa? (1 Sam. 14:1). (7) Ye nyen asala si Saül aga lani kota wato ti David? (1 Sam. 18:25-29). (8) Ngbanga ti nyen David afâ lani Saül pëpe? (1 Sam. 26:7-11). (9) Saül akui lani tongana nyen? (1 Sam. 31:1-6). (10) Na ngoi so lo mä tënë ti kuâ ti Jonathan, salango ye ti David ayeke lani tongana nyen? (2 Sam. 1:11, 12). (11) Zendo wa Jéhovah amû ni lani na David? (2 Sam. 7:12, 13, 16). (12) David asala lani kota siokpari wa? (2 Sam. 11:1-5, 14-17). (13) Na lege wa David afa so lo sala vundu mingi ndali ti ye so lo sala? (Ps. 51). (14) Ye ti manda wa David afa ni na maseka Salomon? (1 aGbia 2:1-4; 1 Chron. 22:6-13; 28:9, 10). (15) Na lege wa komandema ti Jésus ayeke ga ande na ye ti nzoni na David, na Jonathan nga na mo?—Es. 11:6-9; Jean 11:25, 26.
Fadeso, gbu li ti mo: tongana nyen mo lingbi ti mû tapande ti ziango bê na Nzapa, so David afa ni?
Babâ na mama, i yôro na yâ ti amolenge ti i nene ti ziango bê na Nzapa lakue, tongana ti so David asala lani.—Ps. 56:12.