Mbage miombe ni: Salango a-étude so ayeke gue na li ni
Gango na awamandango Bible na yâ bungbi ti Jéhovah
1. Ngbanga ti nyen a yeke nzoni yenga oko oko ti mû ngoi ti mbeni étude ti Bible ti sala tënë na ndo bungbi ti Jéhovah?
1 Ye so e zia na gbele e na ngoi so e yeke sala étude na ambeni zo ayeke gi pëpe ti fa na ala atënë ti mabe me nga ti mû maboko na ala ti ga na yâ kongregation ti aChrétien (Zach. 8:23). Brochure A-Témoin ti Jéhovah: Ala Yeke Azo Wa? Ala Mä na Bê na Nyen? alingbi ti mû maboko na e ti sala ye so. E mû mbeni brochure ni oko na afini wamandango Bible na e wa ala ti diko ni. Nga, yenga oko oko na ngoi ti salango étude, e mû apenze-ngbonga kete ti sala tënë na ala na ndo bungbi ti Jéhovah.
2. Tongana nyen mo lingbi ti mû maboko na awamandango Bible ti ga na abungbi ti kongregation?
2 Abungbi ti kongregation: Kpengba lege so awamandango Bible ayeke mû ti bâ bungbi ti Jéhovah na nene ni ayeke ti tene ala ga na abungbi ti kongregation (1 aCor. 14:24, 25). Tongaso, mo lingbi ti to nda ti fa na azo so mo yeke manda Bible na ala abungbi oku so e yeke sala ni na yâ yenga oko, fa na ala abungbi ni oko na oko. Fa na ala kota li ti tënë ti diskur ti so ayeke ga. Fa na ala article ti Tour ti Ba Ndo so fade a yeke manda ni nga na buku so a yeke manda ni na Bungbi ti Mandango Buku. Fa na ala tongana nyen Ekole ti Kusala ti aChrétien nga na Bungbi ti Kusala ayeke tambela. Tongana mo yeke na mbeni devoir ti sala ni na bungbi ti ekole, peut-être mo lingbi ti manda ni na gbele ala. Fa na ala akota tënë so a fa ni na abungbi so ahon. Sala kusala na afoto so ayeke na yâ ti abuku ti e ti mû maboko na ala ti bâ aye so e yeke sala na abungbi. Gi na kozo salango étude ti Bible na ala, tisa ala ti ga na abungbi.
3. Atënë wa so andu bungbi a lingbi e sala lisoro na ndo ni?
3 Tongana Mémorial, akota bungbi nga na vizite ti surveillant aga ndulu, mû apenze-ngbonga kete ti fa ni na ala na ti maï nzara ti ala tënë ti aye so a leke ni. Yeke na yeke fa kiringo tënë na ahundango tënë tongana: Ngbanga ti nyen a hiri e aTémoin ti Jéhovah? Nganga ti nyen a di iri ti ndo ti abungbi ti e Da ti Royaume? Kusala ti a-ancien na aserviteur ti mungo maboko ayeke so wa? Tongana nyen si a leke kusala ti fango tënë ti tene a tambela na yâ ti aterritoire? A yeke leke ambeti ti e tongana nyen? A yeke wara anginza ti sala na kusala ni na ndo wa? Na bango lege ti kusala ni, kungba ti afiliale nga na ti Wabatango Bungbi ayeke so wa?
4, 5. Tongana nyen akasete vidéo ti bungbi ayeke maï nzara ti awamandango Bible teti bungbi ti Jéhovah?
4 Akasete vidéo so afa ye na zo: Mbeni ye so awamandango Bible alingbi ti bâ pendere ti bungbi ti Jéhovah na lege ni ayeke akasete vidéo. Akasete vidéo tongana Jusqu’aux extrémités de la terre afa ye na ndo ti kusala ti fango tënë na ndo sese mobimba. Toute la communauté des frères asala tënë na ndo ti sewa ti e ti aita ti ndo sese kue, nga kasete vidéo Unis grâce à l’enseignement divin afa tënë na ndo ti dutingo beoko so aTémoin ti Jéhovah ayeke na ni. Mbeni wali so ayeke wara lani ambeti ti e teti ngu oku atoto na ngule na bango kasete vidéo Les Témoins de Jéhovah: un nom, une organisation. Lo wara lege ti kono ziango bê ti lo na aTémoin so ayeke sala lani vizite na lo, me gi na peko ti bango kasete vidéo ni lo bâ so a lingbi lo zia nga bê kue na bungbi ti Jéhovah. A to nda ti manda Bible na lo, nga yenga oko na pekoni lo gue na abungbi na Da ti Royaume.
5 Na mungo apenze-ngbonga kete yenga oko oko ti sala lisoro na azo so e yeke manda Bible na ala nga na salango kusala na agbakuru so e yeke na ni, yeke yeke e lingbi ti ga na awamandango Bible na yâ ti oko bungbi so Jéhovah ayeke sala na kusala laso.