Ngoi alingbi awe ti fa tënë mingi!

1. Ngbanga ti nyen a yeke ngoi ni la ti fa tënë mingi?

¹ “I kpe mbito ti Nzapa, i mû gloire na Lo”. Na gbe ti fango lege ti mbeni ange, tokua so, a yeke ti fa ni “na azo so asala kodoro na ndo sese, na ti fa na amara kue, akete mara kue, azo ti yanga nde nde kue, na azo nde nde kue”. Ngbanga ti nyen? ‘Teti l’heure ti Lo [Nzapa] ti fâ ngbanga asi awe’. Laso, e yeke na yâ ‘l’heure ti fango ngbanga so’, na a yeke hunzi ande na futingo ti bungbi ti aye ti sese ti fadeso. A yeke kota ye ti tene amara ‘asambela Lo so asala yayu na sese, kota ngu ti ingo na li-ngu.’ Laso, mbeni kusala so ayeke kota na so a hunda ti sala ni hio ti haka na fango ‘nzo-tene-ti lakue lakue’ ayeke pëpe. Ti tâ tënë ni, fadeso ayeke ngoi ti fa tënë mingi!​—Apoc. 14:6, 7.

2. Tongana nyen si awakua ti Jéhovah afa so ala hinga nene ti salango ye hio?

² Na yâ angu bale-oko so ahon awe, awakua ti Jéhovah amû wungo ti angbonga ndulu na ngbundangbu 12 ti fa nzo tënë ti Royaume nga na ti sala afini disciple. Mingi ti ala agbian aye na yâ fini ti ala tongaso si ala lingbi ti bi tele ti ala kue na yâ kusala so akpa tongana kongo lê kobe (Mat. 9:37, 38). Na tapande, na ngu so ahon, mbeni wungo ti azo ndulu na 850 000 amû kua ti pionnier nze na nze. Ti awakua ti ngoi kue, ye so aye ti tene ti mû angbonga 70 nze na nze ti fa tënë. Ti apionnier auxiliaire, ala yeke bi angbonga 50 na anda ti nze oko oko.

3. Aye wa a lingbi awafango tënë asala ti ga apionnier?

³ Ye ti sala ti ga pionnier: Teti ala hinga so “lâ ade mingi pëpe”, apionnier ayeke sala ngangu kue ti tene fini ti ala ayapu (1 aCor. 7:29, 31). Ala yeke gi ti zia lege ti ambeni ye so ala ye fade ti vo tongaso si ala lingbi ti buba ngoi ti ala kue pëpe na yâ akua ti nginza. Na tapande, ambeni ayeke gi ti lango na yâ ti ada so ngele ti futango ni na nda ti nze ayeke gi kete. Ambeni azia yamba akungba ti mitele so ala yeke tâ na bezoin ni pëpe (Mat. 6:19-21). Nga, ala zia ti tomba peko ti ambeni ye so ala ye fade ti wara. Ala sala aye so kue teti so ala ye ti wara ngoi mingi ti fa tënë (Eph. 5:15, 16). Awafango tënë mingi aga fadeso apionnier awe ndali ti so ala zia pëpe ti gi ti ga pionnier, ala duti ndulu ti gbanzi ye na tele nga ala fa na Jéhovah na yâ sambela so ala zia bê ti ala kue na lo.

4. Ambeni ye so alingbi ti mû maboko na mo ti sala kusala ti pionnier ayeke so wa?

⁴ Mo lingbi ti mû kua ti pionnier? Ngbanga ti nyen mo hunda pëpe na apionnier so kusala ti ala alë lengo tongana nyen ala sala ni? Sigigi na ala na fango tënë, na tara ti bâ ngia so ala yeke na ni. Diko a-article ti ambeti ti e so asala tënë na ndo kua ti pionnier. Zia na gbele mo ambeni ye so mo yeke gi ti wara ni, so na nda ni ayeke mû ande lege na mo ti ga pionnier. Tongana mbeni kpale akanga lege na mo ti mû kua ti pionnier, fa ni na Jéhovah na lege ti sambela. Hunda na lo ti mû maboko na mo ti leke kpale ni.​—Prov. 16:3.

5. Kua ti pionnier ayeke mû maboko na e ti maï akode ti e ti fango tënë tongana nyen?

⁵ A mu ngia na bê nga a ga na adeba nzoni: Kua ti pionnier amû lege na e ti sala kusala nzoni na Bible, ye so alingbi ti ga na kota ngia. Mbeni ita-wali pionnier so ade maseka atene: “Ti sala kusala mbilimbili na Tënë ti Nzapa ayeke tâ deba nzoni.” Lo kiri lo tene: “Tonga na mo yeke pionnier, mo yeke sala kusala mingi na Bible. Fade so, mbi lingbi ti gi bê ti mbi oko pëpe na ndo versê so mbi lingbi ti diko na azo na ngoi so mbi yeke fa tënë da na da.”​—2 Tim. 2:15.

6. Kua ti pionnier asala si zo amanda aye wa?

⁶ Kua ti pionnier asala si zo amanda aye nde nde so alingbi ti sala nzoni na fini ti lo ti lâ oko oko. A lingbi ti mû maboko na amaseka ti sala kusala nzoni na ngoi nga na nginza ti ala. A sala nga si ala mä tele nzoni na ambeni zo. Kua ti pionnier asala si ala wara mbeni nzoni bango ndo na lege ti yingo. Na ndo ni, apionnier ayeke na kota matabisi ti bâ tongana nyen Jéhovah ayeke lakue ndulu ti mû maboko na ala.​—Kus. 11:21; aPhil. 4:11-13.

7. Tongana nyen si kua ti pionnier ayeke mû maboko na e ti ga ndulu na Jéhovah?

⁷ Mbeni ye ti nzoni mingi so kua ti pionnier aga na ni ayeke so a sala si e ga ndulu na Jéhovah. Mara ti songo tongaso la alingbi ti kpengba e na angoi ti akpale. Mbeni ita-wali so aluti na bê so azia pëpe na gbele akota kpale atene: “Kpengba songo so mbi lë lani na Jéhovah na yâ kua ti pionnier amû maboko na mbi na ngoi ti akpale so kue.” Lo kiri lo tene: “Mbi yeke na ngia ti mû ngoi so mbi ngbâ lani ngangu ti sala na Jéhovah na ngoi kue. A sala si mbi mû tele ti mbi ti sala ambeni ye mingi so mbi bâ mbi tene mbi lingbi fade pëpe ti sala na ngangu ti mbi mveni.” (Kus. 20:35). Zia e sala ngangu ti e kue ti fa tënë, teti kota kusala so ayeke lege ti wara gbâ ti adeba-nzoni.​—aProv. 10:22.