(1) Hunda mbeni tënë, (2) diko mbeni versê na (3) fa chapitre ti buku ni
Mbeni lege so akpengba pëpe, so mo lingbi ti fa na buku Bible afa nyen biani? ayeke (1) ti sigigi na mbeni hundango tënë so ayeke pusu zo ti fa bibe ti lo, (2) ti diko mbeni versê so alingbi na ni na (3) ti gboto lê ti zo ni na ndo chapitre ti yâ ti buku ni so asara tënë na ndo ti versê ni; e lingbi ti sara ni tongana e diko ahundango tënë so a zia na gbe ti li ti tënë ti chapitre ni. Tongana atënë ni agbu bê ti zo ni, mo lingbi ti sara kua na akozo paragraphe ti chapitre ni ti fa na lo tongana nyen a yeke sara mbeni étude. Mo lingbi ti sara kusala na oko kode so ti to nda ti mbeni étude na ngoi ti kozo tingbingo ti mo na zo ni wala na ngoi so mo yeke kiri ti bâ mbeni zo.
◼ “Mo pensé so e asenge zo e lingbi ti hinga ye na ndo kota Wasarango e, tongana ti so Bible asara tënë ni ge?” Diko Kusala 17:26, 27 na zia zo ni akiri tënë. Na pekoni, gboto lê ti lo na ndo chapitre 1.
◼ “Na amara ti akpale so e yeke wara laso, mo pensé so mbeni lâ e lingbi ti wara dengo bê nga na beku so afa tënë ni ge?” Diko aRomain 15:4 na zia zo ni akiri tënë. Na pekoni, gboto lê ti lo na ndo ti chapitre 2.
◼ “Tongana mo yeke na ngangu ti gbian aye so afa ni ge, mo yeke sara ni ande?” Diko Apocalypse 21:4 na zia zo ni akiri tënë. Na pekoni, gboto lê ti lo na ndo ti chapitre 3.
◼ “Ti mo, mbeni lâ amolenge ti e ayeke wara ande ngia na yâ ti dutingo so a sara tënë ni na yâ ti ngbene bia so ge?” Diko Psaume 37:10, 11 na zia zo ni akiri tënë. Na pekoni, gboto lê ti lo na ndo ti chapitre 3.
◼ “Mo pensé so atënë so ge ayeke ga ande tâ tënë mbeni lâ?” Diko Esaïe 33:24 na zia zo ni akiri tënë. Na pekoni, gboto lê ti lo na ndo ti chapitre 3.
◼ “Mo hunda tere ti mo lâ oko awe ti bâ wala azo so akui awe ahinga ye so azo so angbâ na fini ayeke sara?” Zia zo ni akiri tënë. Diko Zo-ti-fa-tene 9:5. Na pekoni, gboto lê ti lo na ndo ti chapitre 6.
◼ “Mo pensé so mbeni lâ e lingbi ti kiri ti bâ asewa ti e so akui awe tongana ti so aversê so asara tënë ni?” Diko Jean 5:28, 29 na zia zo ni akiri tënë. Na pekoni, gboto lê ti lo na ndo ti chapitre 7.
◼ “Ti mo, nyen la a hunda ti tene a sara ye so bê ti Nzapa aye ande na sese legeoko tongana ti so a sara na yayu ti lingbi na tënë ti yâ ti sambela so ge?” Diko Matthieu 6:9, 10 na zia zo ni akiri tënë. Na pekoni, gboto lê ti lo na ndo ti chapitre 8.
◼ “Mo pensé so e yeke tâ na yâ ti ngoi so Bible asara tënë ni ge?” Diko 2 Timothée 3:1-4 na zia zo ni akiri tënë. Na pekoni, gboto lê ti lo na ndo ti chapitre 9.
◼ “Azo mingi ayeke hunda tere ti ala ti hinga ngbanga ti nyen la akpale ti azo angbâ gi ngbango ti gue na li ni. Mo tara lâ oko awe ti bâ versê so ge tongana kiringo tënë ni?” Diko Apocalypse 12:9, na zia zo ni akiri tënë. Na pekoni, gboto lê ti lo na ndo chapitre 10.
◼ “Mo bi bê ti mo lâ oko pëpe ti wara kiringo tënë na hundango tënë so ge?” Diko Job 21:7 na zia zo ni akiri tënë. Na pekoni, gboto lê ti lo na ndo ti chapitre 11.
◼ “Mo pensé so tongana azo asara ye alingbi na awango ti Bible so ge, a yeke mû maboko pëpe na sewa ti ala ti duti na ngia?” Diko aEphésien 5:33 na zia zo ni akiri tënë. Na pekoni, gboto lê ti lo na ndo ti chapitre 14.
Mo lingbi ti sû étude ni na ndo ti rapport tongana mo sara ni fani use na peko ti so mo fa na zo ni kapa ti mandango ye ni, nga tongana mo bâ so mbeni ye ayeke dä so amû lege na mo ti bâ so fade étude ni ayeke gue na li ni.