Lege ti fa na buku Bible afa

Mo yeke wara na yâ ti supplément so alege nde nde ti fa na buku Bible afa. Ti sara kua nzoni na awango so, tene atënë ni na kode ti sarango tënë ti mo mveni, leke ni si a lingbi na azo ti territoire ti mo nga gi ti hinga nzoni atënë so ayeke na yâ ti buku so. Mo lingbi ti sara kusala na ambeni tënë so alingbi na territoire ti mo ni.​—Bâ Kusala ti Royaume janvier 2005, lembeti 8.

Harmaguédon

◼ “Tongana azo amä tënë ti ‘Harmaguédon’, ye so ayeke ga kozoni na yâ ti li ti ala ayeke tënë ti mbeni kota futingo ti aye na sese, so azo mingi ayeke wara kuâ dä. Bê ti mo ayeke dö ti hinga so Harmaguédon ayeke ga ande na aye ti nzoni mingi na e? [Zia zo ni akiri tënë. Na pekoni, diko Apocalypse 16:14, 16.] Tënë so ge afa tongana nyen fini ayeke duti ande na peko ti Harmaguédon.” Zi buku ni na lembeti 82-84, diko paragraphe 21.

Bible

◼ “Fani mingi, azo airi Bible Tënë ti Nzapa. Mo hunda tere ti mo lâ oko awe ti hinga ngbanga ti nyen si a iri mbeni buku Tënë ti Nzapa atâa so azo la asû ni? [Zia zo ni akiri tënë. Na pekoni, diko 2 Pierre 1:21 nga na paragraphe 5 na lembeti 19-20.] Buku so amû akiringo tënë ti Bible na ndo atënë so.” Fa ahundango tënë so ayeke na lembeti 6.

◼ “Laso, alege ti warango na asango ayeke mingi ahon ti kozo. Me ti mo, na ndo wa la e lingbi ti wara anzoni wango so alingbi ti sara si e duti na ngia na e bâ nzoni na yâ ti gigi ti e? [Zia zo ni akiri tënë. Na pekoni, diko 2 Timothée 3:16, 17 nga paragraphe 12 na lembeti 23.] Buku so afa tongana nyen si e lingbi ti sara ye alingbi na aye so Nzapa ahunda tongaso si e wara nzoni na yâ ti gigi ti e.” Fa tableau nga na foto so ayeke na lembeti 122-123.

Kui nga na zingongo ti akuâ

◼ “Azo mingi ayeke hunda tere ti ala ti hinga nyen la asi na e tongana e kui. Mo pensé so e lingbi ti hinga tënë na ndo ni? [Zia zo ni akiri tënë. Na pekoni, diko Zo-ti-fa-tene 9:5 nga na paragraphe 5-6 na lembeti 58-59.] Buku so afa nga ye so tënë ti zendo ti zingongo ti akuâ aye ti tene ande teti azo so akui awe.” Fa foto so ayeke na lembeti 75.

◼ “Tongana mbeni zo so e ndoye lo akui, a yeke tâ na lege ni ti tene e sara nzara ti kiri ti bâ zo so mbeni. A yeke ni la pëpe? [Zia zo ni akiri tënë.] Azo mingi awara dengo bê na yâ ti azendo ti zingongo ti akuâ so Bible amû. [Diko Jean 5:28,29 nga na paragraphe 16-17 na lembeti 71-72.] Oko chapitre so amû nga akiringo tënë na ahundango tënë so ge.” Fa ahundango tënë so a zia na gbe ti li ti tënë ti chapitre na lembeti 66.

Fini ti lakue lakue

◼ “Azo mingi ayeke na nzara ti duti na mbeni nzoni seni nga ti te gigi a ninga. Me tongana lege ayeke dä, mo ye ti ngbâ na fini lakue lakue? [Zia zo ni akiri tënë. Na pekoni, diko Apocalypse 21:3, 4 nga na paragraphe 17 na lembeti 54.] Buku so afa tongana nyen e lingbi ti wara fini ti lakue. A fa nga tongana nyen fini ayeke duti ande tongana zendo so aga tâ tënë.”

Sewa

◼ “A nzere na e kue ti wara mbeni sewa so ayeke na ngia. A yeke ni lâ pëpe? [Zia zo ni akiri tënë.] Bible asara tënë na ndo ti mbeni ye so zo oko oko ti yâ ti sewa alingbi ti sara ti tënë sewa ni aduti na ngia: a yeke ti haka peko ti ndoye ti Nzapa.” Diko aEphésien 5:1, 2 nga na paragraphe 4 na lembeti 135.

Da ti lango

◼ “Na yâ ti ando mingi, ti wara anzoni da ti lango so alingbi na nginza ti e ayeke ngangu. Mo pensé so mbeni lâ fade azo kue ayeke wara nzoni da ti lango ande? [Zia zo ni akiri tënë. Na pekoni, diko Esaïe 65:21, 22 nga na paragraphe 20 na lembeti 34.] Buku so afa tongana nyen zendo ti Nzapa so ayeke ga ande tâ tënë.”

Jéhovah Nzapa

◼ “Mingi ti azo so amä na bê na Nzapa aye ti bâ tere ti ala so ala yeke nduru mingi na lo. Mo hinga so Bible atisa e ti ga nduru na Nzapa? [Zia zo ni akiri tënë. Na pekoni, diko Jacques 4:8a na paragraphe 20 na lembeti 16.] A leke buku so ti mû maboko na azo ti manda ye mingi na ndo ti Nzapa na sarango kusala na Bible ti ala mveni.” Fa ahundango tënë so a zia na gbe ti li ti tënë ti chapitre ni na lembeti 8.

◼ “Azo mingi ayeke sambela ti tene iri ti Nzapa aga nzoni-kue. Mo hunda tere ti mo lâ oko awe ti hinga iri ni so? [Zia zo ni akiri tënë. Na pekoni, diko Genèse 22:14 na paragraphe 2-3 na lembeti 195.] Buku so asara tënë ti aye so Bible afa na ndo Jéhovah Nzapa nga na ye so lo leke ti sara ndali ti azo.”

Jésus Christ

◼ “Azo na ndo ti gigi mobimba amä tënë ti Jésus Christ. Ambeni atene so lo yeke gi mbeni nzoni zo. Ambeni zo avoro lo tongana Nzapa ti Ngangu Ahon Kue. Ti mo, ye so e mä na bê dä na ndo Jésus Christ ayeke kota ye?” Zia zo ni akiri tënë. Na pekoni, diko Jean 17:3 na paragraphe 3 na lembeti 37-38. Gboto lê ti zo ni na ndo ahundango tënë so a zia na gbe ti li ti tënë ti chapitre ni.

Sambela

◼ “Mo tara ti hunda tere ti mo lâ oko awe ti hinga lege so Nzapa ayeke kiri na tënë na asambela? [Zia zo ni akiri tënë. Na pekoni, diko 1 Jean 5:14, 15 na paragraphe 16-18 na lembeti 170-172.] Chapitre so afa ngbanga ti nyen a lingbi e sambela Nzapa nga ye so a lingbi e sara ti tene lo mä sambela ti e.”

Abungbi ti nzapa

◼ “Azo mingi ato nda ti bâ abungbi ti nzapa ti sese so tongana ye so ayeke ga na kpale na popo ti azo, me pëpe mbeni ye so ayeke leke akpale ti ala. Mo pensé so abungbi ti nzapa ayeke gue na azo na nzoni lege? [Zia zo ni akiri tënë. Na pekoni, diko Matthieu 7:13, 14 na paragraphe 5 na lembeti 146.] Buku so asara tënë na ndo ti aye omene so amû lege ti hinga na bungbi ti nzapa so Nzapa ayeda na ni.” Fa molongo ti aye ni so ayeke na lembeti 147.

Ye ti vundu nga na pasi

◼ “Tongana mbeni ye ti vundu asi, azo mingi ayeke hunda ti hinga wala Nzapa ayeke bi bê ti lo na azo nga lo yeke hinga pasi so ala yeke bâ. Mo hunda tere ti mo na tënë so lâ oko pëpe? [Zia zo ni akiri tënë. Na pekoni, diko 1 Pierre 5:7 na paragraphe 11 na lembeti 11.] Buku so afa tongana nyen Nzapa ayeke zi ande biaku biaku apasi kue so azo ayeke bâ laso.” Fa ahundango tënë so a zia na gbe ti li ti tënë ti chapitre na lembeti 106.

Bira nga na siriri

◼ “Na ndo kue azo ayeke toto ti wara siriri. Ti mo, beku ti tene azo awara siriri na ndo sese ayeke gi mbeni senge tënë ti bango li? [Zia zo ni akiri tënë. Na pekoni, diko Psaume 46:9, 10.] Buku so afa tongana nyen si aye so Nzapa aleke ti sara ayeke ga ande tâ tënë nga lege so lo yeke zia siriri na ndo sese.” Fa foto so ayeke na lembeti 35, na bâ aparagraphe 17-21 na lembeti 34-36.

[Encadré na lembeti 7]

Lege ti sara tënë na ndo a-offrande

“Tongana mo yeda laso ti mû mbeni kete offrande teti kusala ti e na ndo sese kue, mbi yeke duti ande na ngia ti mû ni.”

“Atâa so e yeke kä ambeti ti e kango pëpe, e yeke yeda na akete matabisi so azo ayeke mû ndali ti kusala ti e so e yeke sara na ndo sese kue.”

“Mo lingbi peut-être ti hunda tere ti mo ti hinga ndo so e yeke wara nginza dä ti sara na kua ti e. A yeke a-offrande so azo ayeke mû la amû lege na e ti sara kusala ti e na ndo ti sese kue. Tongana mo yeda laso ti mû mbeni kete offrande, mbi yeke duti ande na ngia ti mû ni.”