BATA NI

Afango ye so a lingbi ti sala na kusala

Afango ye so ayeke na gbe ni ge ayeke mû maboko na mo ti leke atënë so ague oko na ambeti so e yeke fa na tënë na yâ nze ni.

Ga ndulu na Jéhovah

“Azo mingi so amä na bê na Nzapa aye ti bâ tele ti ala ndulu mingi na lo. Mo hinga so Nzapa atisa mo ti ga ndulu na lo? [Diko Jacques 4:8.] A sigigi na mbeti so ti mû maboko na azo ti sala kusala na Bible ti ala mveni ti ga ndulu na Nzapa.” Diko paragraphe 1 ti lembeti 16.

“Laso ye ti kirikiri asi singo. A yeke gi ye so a fa pekoni ge. [Diko Zo-ti-fa-tene 8:9b.] Azo mingi ayeke hunda tele ti ala wala Nzapa ayeke bi bê ti lo na azo. [Diko a-use kozo molongo ti atënë so ayeke na paragraphe 4 ti lembeti 119.] Chapitre so afa ngbanga ti nyen Nzapa azia lege na ye ti kirikiri teti mbeni kete ngoi.”

Y a-t-il un Créateur qui se soucie de vous?

“Na ndo wa si e lingbi ti wara tâ nzoni wango na ndo lege ti lekengo na akota kpale ti e? [Zia zo ni akiri tënë. Na pekoni, diko Matthieu 7:28, 29.] A fa na e lege so azo asala na ye lani na gbele Fango ye ti Jésus na ndo ti Hoto. Bâ ye so ambeni zo atene. [Gboto lê na ndo atënë so a wara na lembeti 152.] Chapitre so asala tënë na ndo fini nga na afango ye ti Jésus.”

“Mo hunda tele ti mo lâ oko pëpe: ‘Tongana Nzapa ayeke dä, lo yeke sala mbeni ye oko pëpe ti zi pasi nga na ye ti kirikiri so ayeke na ndo sese?’ [Zia zo ni akiri tënë. Na pekoni diko Apocalypse 21:3, 4.] Buku so afa so Nzapa ayeke zi ande pasi nga na ye so ayeke na gunda ni.” Fa na lo chapitre 10.

I lango pëpe!

“Azo mingi ayeke gi bê ti ala na ndo ti akota kpale nga na aye ti vundu so amû ndo kue laso. [Fa mbeni tapande so azo ti ndo ni kue ahinga tënë ni.] Mo hinga so aye tongaso ayeke mbage ti fä so afa so na yâ ngoi kete ngorogbia ti Nzapa ayeke komande sese? [Zia zo ni akiri tënë. Na pekoni diko mbeni versê so alingbi na ni, na tapande Matthieu 24:3, 7, 8; Luc 21:7, 10, 11 wala 2 Timothée 3:1-5.] Brochure so afa ngbanga ti nyen a yeke mbilimbili kota ye ti duti na donzi ndali ti aye so ayeke si laso.”

“Bê ti azo mingi anze ndali ti aye ti sioni so ayeke si wala ndali ti kota vundu so ala wara na peko ti girisango mbeni ye. Ambeni ayeke hunda tele ti ala ngbanga ti nyen Nzapa asala ye pëpe ti kanga lege na aye tongaso. Bible amû na e zendo so na yâ ngoi kete Nzapa ayeke sala ye ti kaï na pasi ti azo. [Diko Apocalypse 14:6, 7.] Bâ ye so fango ngbanga ti Nzapa aye ti tënë teti azo. [Diko 2 Pierre 3:10, 13.] Brochure so afa aye mingi na ndo kota tënë so.”

Hingango Ye So Ague na Fini ti Lakue Lakue

“Tongana a hiri mo ti duti na yâ pendere ndo tongaso, fade mo yeke yeda na hiringo ndo ni? [Fa foto ti lembeti 4-5, na zia zo ni akiri tënë.] Bâ ye so Tënë ti Nzapa atene na ndo tâ ye so zo alingbi ti sala ti duti na mara ti fini tongaso teti lakue lakue. [Diko Jean 17:3.] Buku so ayeke mû ande maboko na mo ti wara hingango ye so ague na fini ti lakue lakue.” Leke ti sala lisoro na ndo ti akozo paragraphe oku ti chapitre 1 ni na vizite ti peko.

Zi na foto so ayeke na lembeti 188-189, na sala kusala na atënë so ayeke na tele ni, hunda zo ni: “Mo yeke na beku ti duti na yâ ti Paradis, na ngoi so hingango ye ti Nzapa amû sese kue? [Zia zo ni akiri tënë. Na pekoni diko Esaïe 11:9.] Buku so ayeke mû ande maboko na mo ti hinga ye so Bible atene na ndo Paradis na tongana nyen e lingbi ti duti na yâ ni.” Na vizite ti peko, leke ti sala lisoro na ndo paragraphe 11-16 ti chapitre 1.

Mä Kota Wafango ye

“Mo hinga so sese ayeke duti mbeni nzoni ndo tongana azo asala ye alingbi na tënë so? [Diko Matthieu 7:12a. Na pekoni zia zo ni akiri tënë.] A yeke wara na yâ buku so aye mingi so wafango ye so ahon atanga ni kue asala tënë ni.” Gboto lê na ndo afoto ti chapitre 17 nga na atënë so ayeke na tele ni.

“Laso ababâ na mama mingi atara ti yôro anzoni salango ye na yâ ti amolenge ti ala. Mo bâ ti mo so a yeke kota ye? [Zia zo ni akiri tënë. Na pekoni diko aProverbe 22:6.] Bâ a wa ababâ na mama mingi ti to nda ti fango ye na amolenge ti ala na ngoi so ala ade kete mingi. A sigigi na buku so ti mû maboko na ababâ na mama ti sala tongaso.” Gboto lê na ndo ti afoto ti chapitre 15 wala 18 nga na atënë so ayeke na tele ni.

“Mingi ni bê ti ababâ na mama ayeke dö ndali ti atënë so amolenge ti ala ahunda na ala. Kiringo tënë na ambeni hundango tënë ni ayeke ngangu, ni la pëpe? [Zia lege na zo ni ti kiri tënë. Na pekoni diko aEphésien 6:4.] Buku so alingbi ti mû maboko na ababâ na mama ti kiri tënë na ahundango tënë ti amolenge ti ala laso.” Gboto lê na ndo ti ambeni foto ti chapitre 11 na 12 wala 34 ti si na 36 nga na atënë so ayeke na tele ni.

La vie: comment est-elle apparue? Évolution ou création?

“Na ndo so e lango dä, e kue e yeke gi bê ti e na ndo kengo-ndia nga na salango ngangu. Mo bâ ti mo so mbeni zo ayeke biani na yorö ni? [Zia zo ni akiri tënë.] Nzapa ayeke na yorö ni.” Zi lembeti 196, diko na sala tënë na ndo aProverbe 2:21, 22 ti paragraphe 19. Fa na lo kota li ti tënë ti chapitre 16, na zia buku ni na maboko ti lo.

Zi lembeti 6, na tene: “Azo mingi abi bê ti ala so pendere sese ti e nga na fini so ayeke na ndo ni abâ gigi gi tongaso. Ti mo, fango peko ti tënë wa na ndo tënë ti bango gigi ti dunia ayeke na lege ni? [Zia zo ni akiri tënë.] Aye ayeke dä mingi so ayeda na tondo ti Bible na ndo tënë ti mbeni Wasalango ye kue so ayeke na ngangu mingi na so andoye e mingi. Lo yeke tâ Nzapa, na iri ti lo ayeke Jéhovah.” Diko Genèse 22:14; na ndulu tënë fa tongana nyen Nzapa aleke na bê ti lo ti sala si sese kue aga mbeni paradis.

L’humanité à la recherche de Dieu

“Teti so a-église asi singo laso, mo hunda tele ti mo lâ oko pëpe tongana nyen e lingbi ti hinga tâ église so Nzapa ayeda na ni?” Na peko ti kiringo tënë ti lo, zi lembeti 377. Gboto lê ti lo na ndo tënë so ayeke na molongo 7, na hunda zo ni wala lo yeda so tâ lege ti vorongo alingbi ti sala si azo ti amara nde nde kue aduti beoko. Bâ mbeni oko ti aversê so a sû tënë ni na yâ ni, na tongana ngoi ayeke dä, sala lisoro na ambeni tanga ti molongo ti atënë ni so. Tongana tënë ni agbu bê ti lo, zia buku ni na maboko ti lo. Kozoni ti zia lo, mo lingbi ti hunda tënë so, “Tongana nyen tâ bungbi ti vorongo Nzapa alingbi ti sala ngangu na ndo tambela ti mbeni zo?” Leke ti kiri ti sala mbeni vizite na lo ti kiri tënë na hundango tënë so.

Tongana mbeni zo afa tele ti lo tongana membre ti mbeni kota église, mo lingbi ti tene: “A nzere na mbi ti tingbi na azo ti a-église nde nde. Na gingo Nzapa, azo amû peko ti gbâ ti alege so ague nde nde. [Tongana a yeke na lege ni, diko Kusala 17:26, 27.] Fani mingi, azo ayeke mû peko ti église ti babâ na mama ti ala. [Diko paragraphe 12 ti lembeti 8.] Ti manda ye mingi na ndo ambeni église nde ayeke zi lê ti zo na ayeke fa ye na zo. Buku so afa tënë ti ndo so akota église ti sese so alondo dä, asalango ye nga na afango ye ti ala.” Fa mbeni tapande ti mbeni ye so buku ni asala tënë ni na ndo église ti zo ni tongana ti so ayeke na alembeti so: Sikhisme (100-101); Hindouisme (116-117); Bouddhisme (141); Taoïsme (164-166); Confucianisme (177); Shintoïsme (190-195); Judaïsme (220-221) na Islam (289).

La Révélation: le grand dénouement est proche!

“Peut-être mo mä tënë ti [fa tënë ti mbeni sango]. Tongana ambeni zo awara kuâ ti ngangu, azo mingi ayeke hunda tele ti ala ye wa alingbi ti dë bê ti asewa so ye ni asi na ala. Mo pensé ti mo nyen na ndo ni?” Zia zo ni akiri tënë. Na pekoni zi lembeti 299, na fa na lo foto ti londongo ti akuâ so ayeke na yâ ni. Ngbâ ti tene na lo: “Bê ti azo mingi adö ti mä so fade na yâ Paradis na ndo sese a yeke kiri na fini azo ti mbilimbili na azo ti kirikiri kue. [Diko Kusala 24:15 tongana ti so a sala tënë ni na paragraphe 9 ti lembeti 297, na pekoni fa nda ti tënë so ayeke na paragraphe 10.] Buku so afa ambeni nzene nzene tënë mingi so agbu bê ti zo na ndo ye so Nzapa aleke ti sala teti kekereke.”

Bible: A Yeke Tene ti Nzapa Wala ti Azo?

“E yeke na fini na mbeni ngoi so mingi ti azo ayeke luti na gbele akota kpale. Mingi ti ala abi lê na mbage ti awawango nde nde kue ti wara fango lege. Ambeni ague na mbage ti azo ti nganga ti wara mungo maboko. Ti mo, na ndo wa si e lingbi ti wara tâ nzoni wango so alingbi ti mû maboko na e? [Zia zo ni akiri tënë.] Bible asala tënë ti mbeni ye so a hunda na e kue ti gbu nda ni. [Diko 2 Timothée 3:16. Na pekoni zi lembeti 187, na diko paragraphe 9.] Fade buku so ayeke mû maboko na mo ti hinga mbilimbili so salango ye alingbi na afango ye ti Bible aga lakue na aye ti nzoni mingi.”

Koli so ahon tanga ti azo kue

“Na ngoi ti matanga ti Noël azo mingi ayeke pensé na Jésus. Ye oko, teti so aye ti sioni mingi amû ndo lê sese kue, ambeni zo alingbi ti hunda tele ti ala wala Jésus ayeke bi bê ti lo na e. Mo tënë ti mo nyen na ndo ni?” Zia lege na kiringo tënë. Zi chapitre 24 na sala ndulu lisoro ti fa ngbanga ti nyen Jésus aga lani na sese. Na pekoni diko Jean 15:13, gboto lê ti lo na ndo ndoye ti Jésus so lo fa ni na bê kue na mbage ti azo.

“Tongana mbeni zo asala tënë ti Jésus Christ, azo mingi abâ ti ala Jésus ni gi tongana mbeni bébé wala mbeni koli so angbâ ti bâ pasi na so lo gue yeke yeke ti kui. Bango ndo ti ala na ndo Jésus angbâ gi na tënë ti dungo lo nga na kuâ ti lo. Ala bâ pëpe apendere ye so lo sala nga so lo fa tënë ni na ngoi so lo de na fini. Aye so lo sala giriri andu fini ti azo kue so aduti na fini na angoi nde nde kue. Ndani la a yeke kota ye ti tene e manda ye kue so e lingbi ti manda na ndo anzoni ye so lo sala ni ngbanga ti e.” Diko Jean 17:3. Zi kozo lembeti ti tongo nda ni, na diko paragraphe osio ni.

Ye Wa Nzapa Ahunda na E?

“Mo bâ ti mo so Nzapa aye ti tene e duti na fini na yâ ti aye ti kirikiri so angoro e tongana ti so e yeke luti na gbele ni laso? [Zia zo ni akiri tënë. Na pekoni diko Matthieu 6:10.] Mo gbu li ti mo na ndo ye so Royaume ti Nzapa ayeke biani?” Zi ye ti manda 6 na diko ahundango tënë so ayeke na tongo nda ni. To nda ti sala mbeni lisoro na ndo ye ti manda ni so wala leke ti kiri ti sala ni na vizite ti peko.

“Atâa so aye ti laso ague na li ni, kobela na kui angbâ ti sala pasi na vundu mingi na azo. Mo hinga ye so Jésus ayeke sala ande ndali ti azo ti kobela, ambakoro na même ndali ti akuâ?” Zia zo ni akiri tënë. Tongana lo ye ti hinga kiringo tënë ni, zi ye ti manda 5 na diko ahundango tënë ti paragraphe 5-6. Sala lisoro na ndo aparagraphe ni wala leke ti sala tongaso na vizite ti peko.

Voro oko tâ Nzapa

“Mo pensé so e lingbi ti bi lê na ndo wa ti wara mungo maboko ti hon ndo ti akpale ti fini? [Zia lege na zo ni ti kiri tënë. Na pekoni diko aRomain 15:4.] Bâ Tënë ti Nzapa afa lege na e, amû dengo bê nga na beku so alingbi ti mû ngangu na e ti luti na gbele akpale. Buku so afa ambeni ye so alingbi ti mû maboko na e ti bâ lege so e lingbi ti wara ye ti nzoni mingi na dikongo Bible.” Gboto lê na ndo ti atënë osio so a fa ni na lembeti 30.

“Ngbele ye so Jésus ayeke na sese, azo mingi ayeke sambela ti tene Royaume ti Nzapa aga. Mo hunda tele ti mo lâ oko pëpe na ye so nda ti gango ti Royaume ni aye tene teti e? [Zia zo ni akiri tënë. Na pekoni diko Daniel 2:44.] Buku so afa nda ti ye so a hiri ni Royaume ti Nzapa nga ye so lo yeke ga ti sala ande. A fa nga tongana nyen e lingbi ti wara nzoni na lege ti komandema ni.” Sala tënë alingbi na afoto ti lembeti 92-93.