Fini kapa ti kota bungbi ti lango oko

Li ti tënë ti kota bungbi ti lango oko ti ngu ti kusala 2008 ayeke “E yeke sese: Jéhovah ayeke Zo ti lekengo ta”, so alondo na Esaïe 64:7. Wango ti Mbeti ti Nzapa so a mû na lege ti kapa so ayeke mû lege na e ti yekia mingi ndara ti Jéhovah, mbilimbili ti lo, ngangu ti lo nga na ndoye ti lo, lo so ayeke Kota Zo ti lekengo ta.

Diskur ti surveillant ti circonscription “E yeke tongana apendere ta na yâ fango tënë” ayeke fa ande tongana nyen gbâ ti azo ayeke wara tënë nzoni mingi na hingango tâ tënë ti Mbeti ti Nzapa nga na fango ni na azo. Diskur “Fade bingo bê abata mo” ayeke fa lege so nzoni bingo bê na ndo ambilimbili kpengba-ndia ti Jéhovah ayeke bata e. Wamungo diskur so aga na iri ti Béthel ayeke mû ande diskur “Tambela na lege ti sese so pëpe”, nga na diskur “Zia Kota Zo ti lekengo ta aleke e”. Fade ababâ, amama nga na amaseka ayeke wara wango na lege ti atënë so: “Amaseka so ayeke na ngere na lê ti Jéhovah” nga “Kota kungba ti ababâ na amama na yâ fango ye.” Na lege ti adémonstration nga na ahundango tënë na azo, fade bê ti e ayeke pika ti mä na ti bâ ye so aita ti e ti koli na ti wali ayeke sara na fango tënë. Ala so aye ti mû tere ti ala na Nzapa na lege ti batême, a lingbi ala sara tënë ni hio na surveillant-président. Girisa pëpe ti mû Tour ti Ba Ndo so a yeke manda na yenga ti kota bungbi ti lango oko so.

Ye kue so Kota Zo ti lekengo ta aleke awe ti sara, lo yeke sara ni. Me a yeke ti e oko oko ti soro lege so e yeda ti tene Nzapa aleke e. Ala so na ndara ayeda na akpengba-ndia ti lo nga na agbiango ye so lo ga na ni, a lingbi ti tene a leke ala, tongana sese na yâ maboko ti zo ti lekengo ta, ti ga pendere si ala duti tongana ata ti pendere so a sara na kusala. Tongana e sara kusala maboko na maboko na Jéhovah, e yeke sepela kota yanga-ti-komande ti lo na e yeke wara tënë nzoni mingi.