Atënë so i hunda

◼ Ambeti use wa a lingbi e manda ni na azo?

Buku Bible afa ayeke kozo mbeti so e yeke sara na kusala ti to nda ti manda Bible na azo. Atâa so a kanga lege pëpe ti mû mbeni mbeti nde tongana tract ti to nda ti manda na Bible, tongana lege ayeke dä, a yeke nzoni ti changé ni hio na buku Bible afa. A bâ so aye ti nzoni mingi asi na peko ti sarango kusala na buku Bible afa ti manda Bible na azo.

Tongana a hunzi awe ti manda buku Bible afa na wamandango ye ni angbâ ti gue na li ni, e lingbi ti manda na lo buku Voro Nzapa (aCol. 2:7). Na lembeti 2 ti buku ni, a fa nda ni tongaso: “Bible awa azo kue so andoye Nzapa ti ‘hinga mbilimbili yongo ni na nduzu nga na gbe ti sese’ ti atâ tënë ti ngere mingi ti Nzapa (aEphésien 3:18). A yeke ngbanga ni si a leke buku so. E yeke na beku so fade a mû maboko na mo ti kono na lege ti yingo, na ti lingbi nzoni ti tambela na ndo kete lege so ague na fini na yâ mbilimbili fini sese ti Nzapa.”

Tongana wamandango ye ni alingbi ti wara batême kozoni si lo hunzi abuku use so, a lingbi lo ngbâ ti manda use buku ni juska a hunzi. Même tongana wamandango ye ni awara batême awe, wasarango étude ni alingbi ti diko ngoi ni, vizite ni nga na étude ni. Wafango tënë kue so ague na wasarango étude ni na lo mû mbage na étude ni alingbi nga ti diko ngoi ni.