Atënë so i hunda
◼ Mara ti bongo wa a lingbi e yü tongana e yeke gue ti bâ ando so a yeke sara kusala ti Jéhovah dä?
Na ndo ti sese kue, aDa ti Royaume, aDa ti Assemblée, ada ti lango ti aita ti Béthel na abiröo ti filiale ayeke ando so a mû teti kusala ti Jéhovah. A yeke ada so akono mingi pëpe, so zende ayeke dä pëpe, na so a bata ni nzoni ti tene zo ane ando so. Ye so ayeke tâ nde mingi na ti so e yeke bâ na yâ ti sese ti Satan. A yeke nzoni aita so ague ti bâ ando so ayeke sara kusala ti Jéhovah dä abâ tere ti ala tongana azo ti Jéhovah, azo so ayeke sara ye so lo ye.
Teti so e yeke aChrétien, “e fa na gigi e yeke azo ti kusala ti Nzapa,” na yâ ti ye kue, na so angu nga lege ti yungo bongo nga na lekengo tere ti e nzoni (2 aCor. 6:3, 4). A ku nga ti tene e sara ye nzoni. Na ngoi kue, a lingbi lege so e yeke yü bongo na e yeke leke tere ti e asigigi na nzoni sarango ye nga na nengo tere so alingbi na awakua ti Jéhovah Nzapa. Ye so ayeke tâ tënë tongana e yeke gue ti bâ kota ndokua so ayeke na New York nga na aBéthel kue ti ndo ti sese.
Ti fa nene ti yungo bongo nga na lekengo tere nzoni, buku Bungbi so a leke ni ti sala ye so Jéhovah aye afa nene ti sukula tere nzoni, ti yü bongo so alingbi, na ti leke tere nzoni tongana e yeke gue na fango tënë nga na bungbi. Na pekoni, na lembeti 138, paragraphe 3, a tene: “A lingbi e dabe ti e so iri “Béthel” aye ti tene “Da ti Nzapa”. Tongaso, a lingbi yungo bongo ti e, lekengo tere ti e na sarango ye ti e aduti tongana ti so a ku na mbage ti e tongana e ga na abungbi na Da ti Royaume.” A lingbi awafango tënë ti Royaume kue so ague ti bâ Béthel ti kodoro ti ala wala ti mbeni kodoro nde abata kota tënë so. A yeke na lege so si gene ayeke fa singila ti bê ti lo nga nengo ndo so alingbi.—Ps. 29:2.
A lingbi azo abâ yungo bongo ti e tongana ti azo so “atene ala yeke bata tënë ti Nzapa.” (1 Tim. 2:10). Ti yü bongo na ti leke tere nzoni ayeke pusu azo ti sara nzoni tënë ti lege so e yeke voro na Jéhovah. Ye oko, a si so tongana aita ague ti bâ ando ti kusala ti Jéhovah, ambeni na popo ti ala ayü bongo kirikiri, gi tongaso wala abango so azo abâ tere ti ala na yâ ni. Atâa ayeke na ngoi wa, mara ti abongo tongaso alingbi na aChrétien pëpe. Na ndo ti tënë so, nga na ambage kue ti fini ti e ti Chrétien, ye so e ye ayeke ti bata akpengba-ndia so azia kangbi na popo ti azo ti Nzapa na azo ti sese so, na ti sara ye kue ti mû gloire na Nzapa.—aRom. 12:2; 1 aCor. 10:31.
Tongaso, tongana mo yeke gue ti bâ kota ndokua na Béthel ti New York wala mbeni Béthel nde, atâa mo leke kapa ni kozo wala mo yeke na tambela ti wungo tere si mo yeke fono ti bâ ndo nde nde, hunda tere ti mo kozoni: ‘Bongo so mbi yü na lekengo tere ti mbi alingbi na pendere ti ndo so mbi yeke gue ti bâ so? so zende ayeke dä pëpe nga so a hunda ti tene zo ane ni? a fa na gigi so mbi ne Nzapa so mbi voro lo? Fade bongo ni ayeke gboto lê ti azo na ndo ti mbi wala ayeke sara si ala duti nzoni pëpe?’ Na lege ti yungo bongo ti e nga na lekengo tere ti e, zia si lakue e “ga ye ti sepela nzo tënë ti Nzapa Sauveur ti e na yâ ye kue”!—Tite 2:10.