Azo ayeke wara ande mbeni kpengba tënë ti témoin
1. Na ndo ti diskur so a mû, nyen la alingbi nga ti pika bê ti afini zo so aga na Mémorial? Fa ndani.
1 Lawa? Na bï ti lango so a yeke sara na Mémorial. E sara ngangu mingi ti tisa azo ti ga na Mémorial so legeoko na e. A yeke gi tënë so afini zo ayeke mä la alingbi ti pika bê ti ala pëpe. Na peko ti so mbeni wali ague na Mémorial, lo sara tënë na ndo ti mbeni ye so lo bâ: Sarango ye ti azo ni ayeke nzoni, avolontaire la aleke pendere da ti bungbi ni nga ayeke na saleté pëpe na ala bata ni nzoni. Ni la, a yeke gi wamungo diskur ni oko pëpe, e kue e sara si azo awara tënë ti témoin na lango so ayeke kota ahon atanga ni kue na yâ ti ngu ni so.—aÉph. 4:16.
2. Tongana nyen e oko oko kue e lingbi ti sara si afini zo awara mbeni tënë ti témoin?
2 Bara afini zo na ngia na yanga: So e yeke na ngia na e yeke bara afini zo na ngia na yanga ayeke mbeni tënë ti témoin la e yeke fa na ala so (Jean 13:35). Même tongana mo lingbi ti sara tënë na zo oko oko kue pëpe, mo lingbi ti fa iri ti mo na azo so aduti na tere ti mo (aHéb. 13:1, 2). Gi ti bâ afini zo so ahinga zo oko pëpe. Peut-être a mû na ala mbeni mbeti ti tisango ndo na ngoi ti kapa ti tisango ndo ni. Mo lingbi ti hunda zo ni, “Kozo gango ti ala ge la?” Hunda na ala ti duti na tere ti mo, nga fa na ala so mo lingbi ti kiri tënë na ahundango ndo so ala yeke na ni. Tongana a lingbi congrégation ti mo azia ndo ni hio ti tene mbeni congrégation asara Mémorial ti lo dä, mo lingbi ti tene: “A yeke nzere ande na mbi ti hinga tënë ti bê ti mo na ndo ti kapa ni. Lege ayeke dä ti tene mbi na mo e wara tere?”
3. Tongana nyen e lingbi ti yamba aita so ayeke fa tënë mbeni pëpe?
3 Yamba aita so ayeke fa tënë mbeni pëpe: Kite ayeke pëpe so aita so afa tënë mbeni pëpe ayeke ga ande, so na popo ni a yeke wara ambeni so ayeke ga ka gi na lango ti Mémorial. Yamba ala, nga fa na ala so bê ti mo ayeke tâ na ngia ti bâ ala (aRom. 15:7). Na peko ti Mémorial ni, a-ancien alingbi ti gue na yanga-da ti ala ti wa ala ti ngbâ ti ga na abungbi ti congrégation. E sambela ti tene bê ti azo so ayeke ga ande apusu ala ti mû gonda na Nzapa, gi pëpe ndali ti tënë so ala mä me nga ndali ti ye so ala bâ ‘na peko ti so ala bâ anzoni kusala ti e’.—1 Pi. 2:12.