Yamba ala!
1. Ye wa azi na e pendere lege ti fa tënë, na ngbanga ti nyen?
1 Mémorial so e yeke sara ka ngu oko oko ayeke mbeni ngoi so na yâ ni e wara lege ti fa tënë mingi ahon atanga ni kue. Na tapande, na ngu so e ku ti wara na popo ti azo so e tisa ala azo ahon kutu 10 tongaso, so ayeke ga ande na Mémorial. Ala yeke ga ti mä tënë na ndo ti aye use, so ayeke kota ahon atanga ni kue, so afa ndoye ti Jéhovah na lege ti ye so lo mû ti zi na azo (Jean 3:16; 15:13). Ala yeke mä ande tënë na ndo ti aye ti nzoni so ala lingbi ti wara ngbanga ti matabisi so Jéhovah amû (És. 65:21-23). Ye oko, a yeke wamungo diskur ni la ayeke gi oko zo so ayeke fa tënë na ngoi ni so pëpe. Aita kue so aga ayeke wara ande lege ti fa nzoni tënë na yambango na nzerengo tere azo so ayeke ga.—aRom.15:7.
2. Tongana nyen la e lingbi ti yamba nzoni azo so aga?
2 Ahon gi ti gi ndo hio ti duti na ti ku ngoi so bungbi ni ayeke to nda ni, a yeke nzoni mo mû li ni ti fa tere ti mo na azo so aga. Tongana e sara tongaso pëpe bê ti ambeni zo alingbi ti gi ala nga ala hinga pëpe ye so ayeke si ande. So e yeke bara afini zo na ngia alingbi biani ti sara si tere ti ala anzere nga ala yeke bâ so a yamba ala nzoni. Ti hinga wala mbeni zo aga ngbanga ti so lo wara mbeti ti tisango ndo, mo lingbi ti hunda lo ti hinga wala kozo gango ti lo na mbeni oko ti abungbi ti e la wala lo hinga mbeni zo na yâ ti congrégation ni. Peut-être mo lingbi ti tisa lo ti duti na tere ti mo ti he bia legeoko na lo na yâ ti mbeti ti bia ti mo wala ti diko aversê legeoko na yâ ti Bible ti mo. Tongana a sara Mémorial ni na yâ ti Da ti Royaume, mo lingbi ti fa na lo hio tongana nyen aye ayeke tambela dä. Na peko ti diskur ni, gi ti kiri tënë na ahundango ndo ti lo. Tongana a lingbi congrégation ti mo azia place hio na mbeni so ayeke ga na pekoni, mo lingbi ti hunda: “Mo bâ bungbi ni tongana nyen? Lege ayeke dä ti tene mbi na mo e kiri e wara tere?” Na pekoni, leke ti kiri ti bâ lo na mbeni lango nde. A yeke nzoni a-ancien aduti nduru ande ti mû maboko na awafango tënë so azia ti fa tënë so aga na Mémorial.
3. Ngbanga ti nyen ayeke kota ye ti tene e mû li ni ti yamba azo so aga na Mémorial?
3 Ti mingi ti azo so ayeke ga, a yeke duti ande kozoni ti tene ala bâ ngia, siriri na beoko so ayeke na popo ti awakua ti Jéhovah la (Ps. 29:11; És.11:6-9; 65:13, 14). Ye wa la azo so aga na Mémorial ayeke dabe ti ala ande na ni? Ye ni kue andu ye so e yeke sara ti yamba ala nzoni.