Lege ti sara kusala na brochure La Bible — Quel est son message?

Ambeni zo na yâ ti territoire ti e, mbilimbili ala so ayeke na yâ ti abungbi ti vorongo nzapa so ayeke ti aChrétien pëpe, ahinga ye mingi pëpe na ndo ti Bible. Na ngoi so ambeni wafango tënë ayeke manda buku Bible afa na mara ti azo tongaso, ala yeke sara kusala nga na brochure La Bible — Quel est son message? ti mû maboko na azo ni ti hinga kamême mbeni ye na ndo ti Bible. Na tapande, mbeni ita-koli ayeke yôro ka tënë ti kozo mbage ti brochure ni so na yâ ti lisoro ni na ngoi so lo na zo so lo yeke manda Bible na lo ayeke manda chapitre 3 ti buku Bible afa. Na pekoni, lakue tongana ala hunzi ti manda ye ala yeke bâ mbeni mbage ti brochure ni. Mo yeke manda Bible na mbeni zo so ahinga Bible gi kete wala ahinga ye oko na ndo ni pëpe? Ti mû maboko na lo ti manda ‘aMbeti so ayeke nzoni-kue, so alingbi ti sara si lo wara ndara ti wara na salut’, bâ wala mo lingbi ti sara kusala na brochure La Bible — Quel est son message? na tere ti buku Bible afa so ala yeke manda.​—2 Tim. 3:15.