Fini brochure ti fango na tënë!

1. Mbeti wa e yeke sara na kua na nze ti novembre? A leke mbeti ni so ngbanga ti nyen?

¹ Na ngoi ti Kota Bungbi ti e ti District ti ngu 2009 so mama-tene ni ayeke “Ala lango pëpe!”, a sigigi na mbeni fini brochure so tënë ti ndo ni ayeke La Bible ​— Quel est son message ? Kozo sarango kusala na brochure so na fango tënë, so acongrégation ti dunia kue ayeke sara, ayeke duti ande na nze ti novembre. Tongana nyen mbeti so ayeke ga ande na ye ti nzoni na azo ti territoire ti e? Mingi ti azo, mbilimbili ala so ayeke na yâ ti abungbi ti vorongo nzapa so ayeke ti aChrétien pëpe, ahinga ye mingi pëpe na ndo ti Bible. Ni la, na lembeti 3 ti brochure ni a fa so a sara ni ti mû lege na zo ti hinga kamême ambeni ye na ndo ti Bible.

2. E lingbi ti sara kua na brochure so tongana nyen?

² Lege ti zia ni na azo: E lingbi ti tene: “E ye ti hinga tënë ti bê ti mo na ndo ti tënë so. [Diko 2 Timothée 3:16.] Azo mingi so e sara lisoro na ala ayeda na atënë so; ambeni atene ti ala so Bible ayeke gi mbeni pendere mbeti senge. Tënë ti bê ti mo na ndo ti Bible ayeke so wa? [Zia zo ni akiri tënë.] Atâa ye wa e mä na bê na ni na yâ ti bungbi ti e, e yeke na araison ti gi ti hinga Bible e wani. [Diko tënë ti tongo nda ni so ayeke na li ti lembeti 3.] Na ngoi so mo yeke diko pendere brochure so, so na nduru tënë asara atënë na ndo ti Bible, mo yeke bâ mbeni ye so ayeke gbu bê ti mo: Mama-tene ti Bible ayeke gi oko.”

3. Mbeni kode nde wa e lingbi ti sara kua na ni ti fa tënë na azo so ayeke aChrétien pëpe?

³ Bâ mbeni lege ti sarango kua na brochure so, mbilimbili tongana e yeke fa tënë na ndo so mingi ti azo ni ayeke aChrétien pëpe: “E ye ti hinga tënë ti bê ti mo na ndo ti tënë so a tene ge na yâ ti Bible. [Diko Psaume 37:11.] Ti mo sese ayeke duti ande tongana nyen na ngoi so prophétie so ayeke ga ande tâ tënë? [Zia zo ni akiri tënë.] A yeke gi mbeni tapande ti beku nga na dengo bê so azo kue, atâa ala sara nzapa wa wala ngobo ti ala ayeke so wa, alingbi ti wara na mbage ti Bible la.” Diko paragraphe so ayeke na li ti lembeti 3, na hunda lo wala lo ye ti wara brochure ni.

4. E lingbi ti sara kua na brochure ni tongana nyen ti to nda ti mbeni étude?

⁴ To nda ti mbeni étude: Na ngoi so e kiri ti bâ zo ni e lingbi ti dabe ti lo na lisoro so e sara lani na e soro paragraphe oko wala use na ndo ti tënë ni, e sara kusala na ahundango tënë so ayeke na hunzingo ti chapitre ni. Wala tongana e ye ti yôro buku Bible afa tâ gi na ndembe ni so na yâ ti lisoro ni, e lingbi ti diko na lo tënë so ayeke na peko ti brochure ni, e mû na lo buku ni, e hunda na lo achapitre wa la agbu bê ti lo, na e na lo e sara paragraphe oko wala use. Zia e kue e mû mbage ti e mingi na kapa ti kangbingo brochure so na nze ti novembre!