Hundango ndo

◼ Na ngoi so e yeke sara étude na mbeni zo gi na lutingo ni na nduzu, e lingbi ti sambela senge?

Ti to nda ti mbeni étude na lege ti sambela nga ti hunzi ni na sambela ayeke nzoni mingi. Tongana e sambela, e yeke hunda na Jéhovah ti mû na e yingo vulu ti lo na ngoi ti lisoro ni (Luc 11:13). Sambela ayeke fa nga na wamandango ye ni so étude ni ayeke ye ti ngia pëpe nga ayeke fa na lo tongana nyen ti sambela (Luc 6:40). Tongaso, a yeke nzoni ti to nda ti sambela hio na mbeni zo so e yeke manda Bible na lo. Me, teti so ndo so azo ayeke dä ayeke nde nde, a lingbi wafango tënë ni asara ye na ndara tongana lo ye ti to nda ti sambela na ngoi ti mbeni étude ti Bible so lo sara gi na lutingo ni.

Mbeni kota ye so e lingbi ti bâ ayeke ndo so e yeke manda ye ni dä. Tongana azo ayeke kamême mingi pëpe na ndo ni so, si a yeke mbeni étude so e yeke sara ni lakue, e lingbi ti sara mbeni nduru sambela yeke tongaso na tongo nda ni nga na hunzingo ni. Me, tongana sarango tongaso ayeke gboto lê ti azo wala asara si wamandango ye ni aduti nzoni pëpe, a yeke peut-être nzoni e ku juska na ngoi so e lingbi ti wara nzoni ndo ti duti ti sara na étude ni. Atâa ndo wa la e sara étude ni dä, a lingbi e sara ye na ndara ti bâ ngoi wa la alingbi ti tene e to nda ti sambela.​—Bâ Kusala ti Royaume ti mars 2005, lembeti 6.