Mbeni nzoni lege ti mä abia ti Royaume

Awakua ti Jéhovah abâ mozoko tongana mbeni pendere matabisi so alondo na lo (Jacq. 1:17). Acongrégation mingi ayeke mä abia ti Royaume yeke yeke kozo na bungbi nga na peko ti abungbi. A yeke mbeni lege ti yambango e na bungbi la si a yeke yamba e na lege ti amozoko ti dengo bê so. A yeke mû maboko na e ti leke li ti e ti ku na bungbi ni. Na ndo ni, ti pika afini mozoko ti yâ ti mbeti ti bia ti e ayeke sara si e hinga amélodie ni na ayeke mû maboko na e ti he bia ni na lege ni. Ti pika mara ti amozoko tongaso na peko ti bungbi ayeke sara si ngia so azo kue ayeke na ni na ngoi ti bungbi ni angbâ ti gue na ayeke sara si aita angbâ ti sara lisoro na popo ti ala. Tongaso, a yeke nzoni bungbi ti a-ancien aleke ti tene a pika mozoko He bia na Jéhovah: so a pika mozoko ni na piano kozo na bungbi nga na peko ti bungbi. A yeke nzoni ala bâ si go ti mozoko ni atoto ahon ndo ni pëpe si akanga lege pëpe na aita ti sara lisoro na popo ti ala.