Les Témoins de Jéhovah—La foi en action, 1re partie: La sortie des ténèbres
Na yâ ti Bible, lumière ague oko na tâ tënë, me bingo ague oko na mvene (Ps. 43:3; És. 5:20). Satan aga na bingo na yâ ti dunia na ngoi so lo handa Ève, na nda ni lo yôro azo kue na yâ ti kota bingo (Apoc. 12:9). Vidéo Les Témoins de Jéhovah — La foi en action, 1re partie: La sortie des ténèbres afa tongana nyen lumière ti yingo ato nda ni ti za lani na yâ ti bingo (És. 60:1, 2). Na peko ti so mo bâ vidéo ni, mo lingbi ti kiri tënë na ahundango tënë so?
(1) Na peko ti kuâ ti abazengele, bingo amaï tongana nyen? (2) Ti to nda ni na yâ ti angu 1100, nyen la amû maboko na azo ti bâ so a-eglize ayeke fa tâ tënë pëpe? (3) Nyen la e hinga na ndo ti Henry Grew na George Storrs? (4) Ambeni ye so asi na yâ ti fini ti Charles Russell so asara ye mingi na ndo ti fini ti lo ayeke so wa? (5) Kode wa lani Ita Russell, babâ ti lo nga na mbeni kete wungo ti azo so lo hinga ala, azia na sese ti manda Bible? na tënë ti nyen la ala tene na nda ni? (6) Ngbanga ti nyen awamandango Bible so abungbi tere na Nelson Barbour na azo ti lo? na nyen la asara si Ita Russell azi tere ti lo? (7) Nyen la asi na nze ti juillet 1879 so asara si mbeni fini ngoi ti lumière ti yingo abâ gigi? (8) Na pekoni, ye wa awamandango Bible so wungo ti ala angbâ ti gue na li ni asara, ti sara si nzoni tënë amû ndo? (9) Angu mingi kozoni na 1914, nyen la awamandango Bible ayeke ku ti tene asi na 1914? (10) Akpale wa awamandango Bible atingbi na ni na peko ti kuâ ti Ita Russell? (11) Nyen la awamandango Bible asara na peko ti so azi Ita Rutherford na amba ti lo na da ti kanga? (12) Tongana nyen bango vidéo so akono hingango ye ti mo na ndo ti bungbi ti Jéhovah nga asara si mo kiri singila mingi? (13) Na lege wa vidéo so amû ngangu na mo ti ngbâ ti fa tënë na ngia na bê atâa akpale so mo lingbi ti tingbi na ni? (14) Tongana nyen e lingbi ti sara kusala na vidéo so ti mû maboko na afami ti e, azo so e yeke manda Bible na ala nga na ambeni zo?
So tâ pendere mosoro ti yingo si akozo awamandango Bible so azia na e! Na yâ ti mbeni dunia so ayeke na yâ ti bingo na lege ti yingo, ala sara ye lani na mbeto pëpe nga na ngia na bê, ala aza lumière so. Zia e sara tongana ala e “ngbâ ti tambela tongana amolenge ti lumière.”—aÉph. 5:8.