Les jeunes s’interrogent. . . Que vais-je faire de ma vie?—Kozo mbage ni
Na ngoi so amaseka ayeke kono, a lingbi ala mû akota desizion. Ni la, a sigigi na vidéo Les jeunes s’interrogent. . . Que vais-je faire de ma vie? ti mû maboko na ala. Na ngoi so mo ye ti bâ vidéo ni, soro “drame”, na pekoni bâ wala mo lingbi ti kiri tënë na ahundango tënë so ayeke na yâ ti paragraphe 2. Na pekoni, gue na menu principal, na soro “interviews”, na pekoni soro “souvenirs”, na gi ti kiri tënë na ahundango tënë so ayeke na paragraphe 3.
Drame ni: (1) Na lege wa dutingo ti Timothée akpa tere na ti amaseka Chrétien mingi laso? (2) Na lege wa a pusu André ti ga mbeni ngangu wakpengo loro? (3) Ita Fleissig atene nyen na André na ndo ti (a) mungo tere na Jéhovah nga na mungo tere kue na yâ ti ngia ti awanguru? (Mat. 6:24). (b) ye so ayeke ga na zo tâ ngia? (c) sembe so lo te kobe dä na yâ ti camp ti sarango zo na pasi? (d) azo so lo na wali ti lo nga na ala ayeke na lê ti foto so? (e) Lo yeke na vundu ndali ti so lo changé aye so lo zia lani na gbele lo? (aPhil. 3:8). (4) André ahunda âta ti lo, lo tene: “A yeke sioni ti tene mbi ga mbeni wakpengo loro so iri ti lo awu mingi?” Âta ni atene nyen na lo? (Luc 4:5-7). (5) Songo benda na yâ ti mandako ti kpengo loro aga na tâ ngia na André? (6) Nyen la apika bê ti mo na yâ ti ndangba lettre ti Ita Fleissig so lo sû na André? (aProv. 10:22). (7) Ita Fleissig amû maboko na André na ndo ti nyen ti zi lê ti lo polele?
Souvenirs: (8) Kusala wa ita-koli ni na ita-wali ni ayeke sara ândö, na ngbanga ti nyen? (9) Iri ti ala awu lani tongana nyen? (10) Nyen la apusu ala ti changé kua ti ala? (2 aCor. 5:15). (11) Kusala wa ala sara fadeso na yâ bungbi ti Jéhovah? Ngbanga ti nyen ala bâ so ala lingbi ti sara ni use kue pëpe? (12) Ala yeke lani na vundu ndali ti so ala changé ye so ala yeke sara na yâ ti fini ti ala? (13) Mbilimbili tënë wa ala tene so apusu mo ti bâ ye so a lingbi mo sara na fini ti mo?
Bâ “autres interviews” nga na “suppléments”, na leke tere ti mo ti kiri tënë na ngoi ti lisoro so a yeke sara na Bungbi ti Kusala na yenga ti peko.