Mo yeke sara ande nyen na fini ti mo?
1 Ngoi na ngoi a yeke hunda ka amolenge na tënë so: “Mo ye ti sara ande nyen tongana mo ga kota?” Lani so mo ngbâ kete molenge-koli, mo tene so mo ye ti ga mécanicien? wapikango ballon? surveillant ti circonscription? Wala lani so mo de kete molenge-wali, mo tene so mo ye ti ga wanganga? wafango-mbeti? missionnaire? Fadeso mo ga kota awe so, a lingbi mo hunda tere ti mo na tënë so: ‘Mbi yeke sara ande nyen na fini ti mbi?’ Mo hinga ni awe?
2 Ti mû maboko na mo ti hinga mbilimbili ye ti sara, bungbi ti Jéhovah asigigi na DVD Les jeunes s’interrogent. . . Que vais-je faire de ma vie? E hunda mo ti bâ ni na ti gbu li nzoni na ndo ti aye kue so a fa na yâ ni, so andu nga drame ni, ahundango tënë ni, nga na ambeni limon so a zia na yâ ni. A fa li ti atënë ni na yâ ti encadré “Menu principal.”
3 Drame ni: Na ngoi so mo yeke bâ drame ni, gbu li na ndo ahundango tënë so: (1) Kamba wa ayeke na popo ti Timothée ti yâ ti Bible na André? (Kus. 16:1; 1 Tim. 4:8; 2 Tim. 1:5). (2) Zo wa aye ti pusu André ti ga ngangu wakpengo loro, na lo sara ni tongana nyen? (3) Azo wa asara ye ti nzoni na ndo ti Timothée nga na André? Ala sara ni tongana nyen? (2 Tim. 1:1-4; 3:14, 15). (4) Tënë ti Matthieu 6:24 na ti aPhilippien 3:8 asara nyen na ndo ti André? A sara nga nyen na ndo ti mo?
4 Achapitre ni: Na peko ti so mo bâ drame ni awe, kiri na ndo ti alimon so, na kiri tënë na ahundango tënë so: “Paul et Timothée”: Tanga ti wango so Paul amû na Timothée ayeke so wa? (2 Tim. 4:5). “Donner à Jéhovah le meilleur”: Ye ti yingo wa mo zia na gbele mo ti sara? “Prise de position pour Jéhovah”: Zo ayeke wara tâ ngia na ndo wa? “Le conseil d’une grand-mère”: Ngbanga ti nyen a yeke sioni ti tene zo awara yango-iri na yâ ti sese ti Satan so? (Mat. 4:9). “Aucun regret”: Ye wa so mo hinga fadeso alingbi ti mû lege na mo ti duti na ngia na yâ fini ti mo?—aProv. 10:22.
5 Ahundango tënë: Na bango ambage oko oko, nyen la mo bâ so alingbi ti pusu mo ti sara na Jéhovah mingi ahon ti kozo? (1) “Se consacrer à des choses vaines ou servir Dieu?” (1 Jean 2:17). (2) “Apprendre à aimer la prédication.” (Ps. 27:14). (3) “Une porte ouverte sur l’activité.”—Mat. 6:33.
6 Dango bê: Mo lingbi ti kiri tënë na ni? (1) Ye wa ita-koli ni na ita-wali ni ayeke sara ândö, na ngbanga ti nyen? (2) Iri ti ala awu lani tongana nyen? (3) Nyen la asara si ala changé? (2 aCor. 5:15). (4) Kusala wa ala sara fadeso na yâ bungbi ti Jéhovah? Ngbanga ti nyen ala bâ so ala lingbi ti sara ni use kue pëpe? (5) Ala yeke na vundu teti so ala changé ye ti sara na yâ fini ti ala? (6) Mbilimbili tënë wa ala tene so apusu mo ti bâ ye so a lingbi mo sara na fini ti mo?
7 Ambeni hundango tënë: Na bango ambage oko oko, ye wa mo manda so alingbi ti pusu mo ti mû bê ti mo kue na kusala ti Jéhovah? (1) “La valeur de l’étude individuelle.” (2) “D’autres façons de prêcher.” (3) “Le service au Béthel.” (4) “L’École de formation ministérielle.” Kiri mo bâ “Index de publications traitant des sujets abordés”, na diko aye so agbu bê ti mo mingi.
8 Tongaso, mo hinga awe ye so mo ye ti sara ande na fini ti mo? Paul awa Timothée, lo tene: “Mo bata ye so kue nzoni; zia bê ti mo kue na ye so, si azo kue alingbi bâ lege so mo yeke kpengba.” (1 Tim. 4:15). E wa mo mingi ti sara nga legeoko tongaso na ye so mo bâ na mo mä na yâ ti DVD so. Sambela Jéhovah ti mû maboko na mo ti soro ye na ndara si mo lingbi ti wara tâ ngia na yâ ti fini ti mo laso nga na ti kekereke.
[Kete tënë na lembeti 6]
MENU PRINCIPAL
Drame
Chapitres (Alimon 11)
Interviews
Démarrer
Sections (Alimon 3)
Souvenirs
Suppléments
Autres interviews
Index de publications traitant des sujets abordés
Sous-titres
Texte à l’écran
Malentandants
Aucun
Ti bâ ye so ayeke na yâ ti menu, pete bouton ti Suite ▶, ◀ Retour, na ti Menu principal.