A leke Site ti e—Ti tene mo sara kua na ni na fango tënë
Wa azo ti sara kua na Site ni: Ambeni zo so ake ti sara lisoro na e wala ake ti mû ambeti ti e alingbi ti yeda ti gi asango na ndo ti aTémoin ti Jéhovah na ndo ti jw.org. Tongaso e mû angoi kue so lege azi na e ti sara tënë ti site ti e na ambeni zo.
Kiri tënë na ahundango tënë: Ngoi na ngoi, mbeni zo so e yeke fa tënë na lo, so asara nzara ti tënë ni, wala mbeni zo so e hinga lo ayeke hunda tënë na ndo ti aTémoin ti Jéhovah wala na ndo ti ye so e mä na bê dä. Fa na lo ti wara kiringo tënë ni hio na lege ti mbeni téléphone portable wala ordinateur. A yeke nzoni e sara kusala na Bible ti kiri tënë na lo. Na pekoni e fa na lo tongana nyen lo lingbi ti sara kusala na jw.org ti wara kiringo tënë ni lo wani.—Gue na ndo ti site, jw.org, na pekoni cliqué “La Bible et vous/Questions bibliques” wala “Qui sommes-nous?/Questions fréquentes.”
Tokua mbeni article wala mbeti: Mo lingbi ti tokua mbeni PDF wala EPUB so mo téléchargé ni na e-mail na mbeni zo. Wala téléchargé ambeti ti mango ni na ndo ti CD. Lakue so mo mû na mbeni zo so ade ti wara batême pëpe mbeni mbeti so mo téléchargé ni kue, mo lingbi ti diko ni na popo ti ambeti so mo zia na azo.—Gue na ndo ti “Publications.”
Fa afini sango na ndo ti aTémoin ti Jéhovah: Sarango tongaso ayeke mû maboko na awamandango Bible na ambeni zo so mo sara vizite na ala ti bâ so kusala ti e ayeke na yâ ti dunia kue nga ti bâ so e yeke aChrétien so aduti beoko (Ps. 133:1).—Gue na ndo ti “Actualités.”
[Foto na lembeti 5]
(Ti bâ ni mbilimbili, gue na yâ ti mbeti ni)
Tara ni
1 Na gbe ti “Publications,” wara ye so mo ye ti téléchargé ni, na cliqué na ndo ti ye tongana PDF wala MP3.
2 Cliqué “MP3” ti wara molongo ti a-article ni. Cliqué li ti tënë ti article so mo ye ti téléchargé wala ti mä dikongo ni.
3 Tongana mo ye ti téléchargé mbeni mbeti na yanga ti kodoro nde soro ni na popo ti molongo ti ayanga ti kodoro so.