Sara lisoro na ndo ti li ti tënë oko, me zia apériodique use
Apériodique ti e oko oko asara tënë na ndo ti aye nde nde so alingbi ti ndu bê ti azo. Ahon ti sara lisoro na ndo ti ali ti tënë nde nde na mbeni yanga-da oko, a yeke nzoni ti sara lisoro gi na ndo ti li ti tënë oko. Tongana e yeke bâ dutingo ti azo nzoni na e hinga atënë ti yâ ti apériodique ni nzoni, e lingbi ti soro mbeni li ti tënë oko na yâ ti Tour ti Ba Ndo wala Réveillez-vous! so alingbi ti ndu bê ti azo ni. Na tapande, tongana e bâ aye ti ngia ti amolenge na yanga ti mbeni da, e lingbi ti soro mbeni li ti tënë so andu sewa. Tongana e wara mbeni koli na yanga-da, e lingbi ti soro mbeni li ti tënë so agbu bê ti akoli mingi, na tapande tënë na ndo ti mbeni nzoni gouvernement. Atâa so a yeke nzoni ti sara lisoro gi na ndo ti mbeni li tënë oko, e lingbi lakue ti zia apériodique use na mbeni zo so asara nzara ti tënë ni.