“A yeke ngangu ti wara lo na yanga-da”

Mo tene mara ti tënë so na ndo ti mbeni zo so aye ti mä tënë ni lâ oko awe? Atâa so mo kiri fani mingi ti bâ lo, mo wara lege pëpe ti tuku ngu na ndo ti ngongoa ti tâ tënë so mo lu lani (1 aCor. 3:6). Na ambeni ngoi, ambeni ita so ahinga ti fa tënë nzoni asû mbeti na azo so ayeke ngangu ti wara ala na yanga-da, wala ala zia mbeni kete mbeti na gbe ti porte ti zo ni. Ambeni ita ahon ndo ti kpale ti warango zo na yanga-da na lege so ala hunda numero ti téléphone ti zo ni, peut-être na hundango lo: “Mbi peut ti tokua message na mo?” Tongana e sara vizite na mbeni zo wala e fa tënë na lo na lege ti mbeni mbeti so e sû, tongana e-mail, message, mbeni kete mbeti so e zia na gbe ti porte ti lo, wala ti iri lo na téléphone, e lingbi ti diko ni tongana avizite. Même tongana warango lo na yanga-da ayeke ngangu, lege ayeke dä ti tene e kiri e ndu bê ti lo.