Maï akode ti fango tënë ti mo: Leke mbeni tënë ndali ti vizite ti peko

Ndani so a yeke kota ye: Na ngoi so e wara mbeni zo so aye tënë ni, a yeke nzere na e ti kiri ti wara tere na lo na ngoi so lo yeke na yanga-da tongaso si e lingbi ti tuku ngu na ndo ti ngongoa ti tâ tënë so e lu ni (1 aCor. 3:6). Ni la, kozo ti zia zo ni si e hon, mingi ni a hunda na e ti tene e zia mbeni tënë ndali ti vizite ti peko. Na ndo ni, a yeke nzoni ti zia mbeni hundango tënë so e yeke sara lisoro ande na ndo ni na ngoi so e yeke kiri ti bâ zo ni. Ye so ayeke pusu ande zo ni ti ku lango ti vizite ni, nga tongana kiringo tënë ti hundango ndo ni ayeke na yâ ti mbeti so e zia na lo, peut-être lo yeke diko ande mbeti ni. Tongana e zia mbeni tënë ndali ti lisoro ti peko, ye so ayeke sara nga si vizite ti peko ni ayeke duti ngangu pëpe ndali ti so ala soro kozo awe tënë so ala yeke sara lisoro na ndo ni, nga zo ni ahinga ye so ala yeke sara ande tënë na ndo ni. Na ngoi so e kiri e wara tere na lo, e lingbi ti fa na lo so e ga ti kiri tënë na hundango ndo so e zia lani na lo nga e to nda ti sara lisoro na ndo ni.