Maï akode ti fango tënë ti mo: Lege ti kiri tënë na zo so asara ngonzo
Ndani so a yeke kota ye: Mingi ti azo so e yeke fa tënë na ala ayeke yamba e nzoni. Me, Jésus atene lani so fade ambeni zo ayeke ke e (Jean 17:14). Ni la, ye so alingbi ti dö bê ti e ape tongana e tingbi na mbeni zo so asara ngonzo na tere ti e. Tongana ye tongaso asi, e ye si sarango ye ti e azia ngia na bê ti Jéhovah, lo so e ga na iri ti lo (aRom. 12:17-21; 1 Pi. 3:15). Na sarango tongaso, peut-être a yeke kanga lege na zo ni ti sara ngonzo ahon ndo ni. A yeke nga mbeni tënë ti témoin ndali ti zo so e yeke fa tënë na lo nga na ambeni zo so ayeke bâ e, na a yeke sara si ala yeke duti nduru ti mä ambeni ita so ayeke ga mbeni lâ ti fa tënë na ala.—2 aCor. 6:3.