Yamba ala na ngia

Azo wa la e yamba ala na ngia ni? Azo kue so aga na abungbi ti e: afini zo nga na azo so e hinga ala aninga (aRm 15:7; aHb 13:2). A lingbi ti duti mbeni ita ti e so alondo na mbeni kodro nde wala mbeni ita so aga na bungbi ti kozoni na peko ti so angu mingi lo ga ape. Tara ti bâ so tongana a yeke fade mo; tongana a bara mo na ngia a yeke nzere na mo mingi ape? (Mt 7:12). Tongaso, ngbanga ti nyen mo sara effort ahon ti kozo pëpe ti gue na Da ti Royaume ti bara azo kozo na bungbi nga na peko ni? Tongana e sara tongaso, a yeke sara si azo kue ayeke duti na ngia na ndoye ayeke duti na popo ti e nga a yeke mû gonda na Jéhovah (Mt 5:16). Biani, e lingbi pëpe ti sara tënë na azo kue so aga. Ye oko, terê ti azo kue ayeke nzere tongana e kue e sara part ti e.a

E yeke fa tâ yambango zo gï pëpe na ambeni ngoi tongana ti Dango bê na kuâ ti Jésus me na ngoi kue. Tongana afini zo abâ so e yeke na ndoye na popo ti e nga e fa ni na mbage ti ala, a lingbi ti pusu ala ti gonda Nzapa nga ti bungbi oko na e ti voro tâ Nzapa.—Jn 13:35.