GIGI TI E TI CHRÉTIEN
Mbi yeke kiri ti mû kua ti pionnier auxiliaire lawa?
Vision ti temple so Ézéchiel abâ afa so azo ti Jéhovah ayeke mû ande asandaga na bê ti ala wani. Tongana nyen la e wani e lingbi ti mû asandaga ti gonda?—aHb 13:15, 16.
Mbeni nzoni lege ni ayeke ti mû kua ti pionnier auxiliaire. Na yâ ti ngu ti kusala ti 2018, a yeke wara gbâ ti anze so ayeke na asamedi oku wala adimanche oku. Ye so ayeke mû maboko mingi na aita so ayeke sara kua ti nginza nga so mingi ni ayeke fa tënë na aweek-end. Nga, awafango tënë alingbi ti soro ti fa tënë l’heure 30 wala 50 na nze ti mars na avril nga na ngoi ti vizite ti surveillant ti circonscription.
Ka tongana dutingo ti e amû lege na e pëpe ti mû kua ti pionnier auxiliaire? E lingbi ti sara ngangu ti maï kode ti fango tënë ti e nga peut-être ti mû ngoi mingi ti fa tënë. Atâa dutingo ti e ayeke so wa, zia si ndoye ti e na mbage ti Jéhovah apusu e ti mû na lo anzoni ye ti e na yâ ti ngu ti kusala ti 2018!—Os 14:2.
Tongana nyen la mbi lingbi ti yapu tongana Sabina Hernández?
BÂ VIDÉO GRÂCE NA JÉHOVAH, MBI PEUT TI SARA AYE MINGI, NA PEKONI KIRI TËNË NA AHUNDA SO GE:
Nyen la apusu Sabina ti fa tënë mingi?
Na lege wa tapande ti Sabina akpengba mo?
Na yâ ti ngu ti kusala ti 2018, anze wa la mo lingbi ti mû kua ti pionnier auxiliaire dä?