Maï akode ti fango tënë ti mo: Sarango vizite

NDANI SO A YEKE KOTA YE: Azo mingi so ayeda na tënë ti Royaume ayeke azo so ayeke gi ti hinga tâ tënë na ndö ti Nzapa (És 55:6). Ti fa ye na ala yeke yeke, a lingbi e kiri fani mingi. Akpale ti azo ayeke nde nde; ni la, lege so e yeke mû maboko na ala ti sara nzara ti tënë ni ayeke nde nde. Ye oko, e yeke fa ye nzoni tongana e leke terê ti e nzoni nga e yeke sara kue ti tene zo oko oko so e sara vizite na lo ague aga mbeni étude.

LEGE TI SARA NI:

• Gi ti kiri hio ti bâ zo ni, peut-être na yâ ti akete lango na pekoni.—Mt 13:19

• Sara ye tongana kamarade nga ne zo. Sara mbeto ape

• Komanse na barango zo ni na ngia. Iri zo ni na iri ti lo. Dabe ti lo na ndö ti ndani so mo kiri mo ga so: peut-être ti kiri tënë na mbeni hunda, ti ga na lo mbeni fini périodique, ti fa na lo site ti e, ti fa na lo mbeni vidéo wala ti fa na lo tongana nyen la e yeke sara étude na azo. Tongana lo fa so mbeni tënë agbu bê ti lo, changé tënë ti mo ti lingbi na ni.—aPh 2:4

• Tuku ngu na ndö ti ngongoa ti tâ tënë so mo lu na yâ ti bê ti lo na fango na lo mbeni pensé ti Bible wala peut-être na ziango na lo mbeni mbeti (1aC 3:6). Gi ti kpengba songo na popo ti mo na lo

• Zia mbeni tënë ndali ti vizite ti peko