Toli ti blé na ti asioni pere

Jésus atene toli ti blé na ti asioni pere ti fa tongana nyen la lo yeke zi na popo ti azo groupe ti aChrétien so a soro ala ti gue na yayu so lo haka ala na blé nga na ngoi so lo yeke sara ni; a to nda ni na ngu 33 N.E.

13:24

‘Mbeni zo alu apendere ngongoa ti kobe na yaka ti lo’

• Zo ti lungo ye ni: Jésus Christ

• A lu apendere ngongoa ti kobe: A soro adisciple ti Jésus na lege ti yingo vulu

• Yaka ni: Dunia

13:25

“Na ngoi so azo angbâ ti lango, wato ti lo aga na lo lu asioni pere na popo ti ablé ni”

• Wato ni: Zabolo

• Azo angbâ ti lango: Abazengele akui

13:30

“Ala zia ni use kue amaï legeoko juska na ngoi ti kongo lê ti kobe”

• Ablé ni: A-Chrétien so a soro ala ti gue na yayu

• Asioni pere ni: A-Chrétien ti wataka

“Ala gboto asioni pere ni kozoni . . . ; na pekoni, ala bungbi ablé ni”

• Angbâa/azo ti kongo lê ti kobe ni: A-ange

• A gboto asioni pere ni: A zia aChrétien so a soro ala ti gue na yayu nde na aChrétien ti wataka

• A bungbi ablé ni na yâ ti gogoro: A bungbi aChrétien so a soro ala ti gue na yayu na yâ ti congrégation so a kiri a leke ni

Na ngoi so kongo lê ti kobe ni ato nda ni, nyen la asara kangbi na popo ti atâ Chrétien nga na aChrétien ti wataka?

Tongana nyen la mbi wani mbi wara ye ti nzoni na mango yâ ti toli so?