Mbeni vision so akpengba mabe ti zo

9:1-7

Na ngoi ti vision ti changengo terê ti Jésus, lo mä Babâ ti lo ti yayu so atene lo zia ngia na bê ti ni; tara ti bâ ngia ti bê ti Jésus na ngoi ni so. Kite ayeke dä ape so Jésus awara ngangu ti luti na gbele atara so lo yeke gue ti hon na yâ ni. Vision ni andu nga bê ti Pierre, Jacques na Jean ngangu. A sara si ala hinga biani so Jésus ayeke Messie nga a yeke na lege ni ti tene ala mä lo. Ngu 32 tongaso na pekoni, Pierre angbâ ti dabe ti lo na vision ni nga a sara si lo kiri lo mä na bê ngangu na “tënë ti prophétie ni”.—2Pi 1:16-19.

Atâa so e bâ kpengba vision so na lê ti e tongaso ape, me e bâ gango tâ tënë ni. Jésus ayeke komande tongana mbeni ngangu Gbia. Na yâ ti kete ngoi, lo yeke “hunzi songo benda ti lo ni” ti sara si fini dunia so mbilimbili ayeke duti ande dä abâ gigi.—Apc 6:2.

So mo bâ aprophétie ti Bible aga tâ tënë, a kpengba mabe ti mo tongana nyen?