Nyen la mo yeke sara ande na ngoi ti buru?

E bezoin ti duti na mabe nga ti sara confiance na Jéhovah. Na tapande, tongana e yeke na kpengba mabe na Jéhovah ayeke mû maboko na e ti duti na confiance so lo yeke bata e nga lo yeke bâ lege ti e (Ps 23:1, 4; 78:22). So e si nduru na hunzingo ti aye ti ngoi so, e lingbi ti ku ti tene atara ti Satan akiri aga ngangu (Apc 12:12). Nyen la ayeke mû ande maboko na e?

BÂ VIDÉO NYEN LA MO YEKE SARA ANDE NA NGOI TI BURU? NA PEKONI, KIRI TËNË NA AHUNDA SO:

1. Na lege wa la e yeke tongana “keke” so a sara tënë ni na Jérémie 17:8?

2. Mbeni ye so ayeke tongana “ndowa” ayeke nyen?

3. Tongana nyen la mbeni “keke” ayeke wara kpale? Ngbanga ti nyen?

4. Nyen la Satan ayeke gi ti buba ni?

5. Na lege wa e yeke tongana azo ti kpengo na avion so ayeke na kode?

6. Ngbanga ti nyen la a lingbi e ngbâ ti sara confiance na ngbâa be-ta-zo so ayeke sara ye na ndara? Tongana nyen la a yeke tara ande mabe ti e?

7. Ngbanga ti nyen la a lingbi e ngbâ ti sara confiance na amama-ndia ti Bible atâa so azo ti dunia so ayeke he e?