ANZONI YE SO AYEKE NA YÂ TI BIBLE | GENÈSE 32-33

Mo yeke tiri ti wara tufa?

Ti tene e wara tufa ti Jéhovah, a lingbi e sara ngangu ti zia aye ti Royaume na kozo ndo na yâ ti fini ti e (1aC 9:26, 27). Na ngoi so e yeke sara na Jéhovah, a lingbi e duti na oko bango ndo so Jacob ayeke na ni lani na ngoi so lo tiri na mbeni ange. E yeke fa so e yeke sara kue ti wara tufa ti Jéhovah na lege so . . .

E yeke leke abungbi ti e nzoni
E yeke mû mbage lakue na fango tënë
E yeke sara kue ti aidé aita na yâ ti congrégation

Akete foto: Mbeni mama so ayeke maseka ayeke na aye mingi ti sarango ni. 1. Lo yeke sambela na tongo nda ti mbeni lango. 2. Lo yeke mû popoto na bébé ti lo kozo si lo gue na fango tënë. 3. Anzere na lo ti fa tënë legeoko na amolenge ti lo ti wali nga na aita-wali ti congrégation ti lo.

Atâa kpale ti mo ayeke ngangu tongana nyen, sambela Jéhovah lakue ti mû maboko na mo nga sara si lo iri tufa na ndö ti angangu so mo yeke sara ti voro na lo.

HUNDA TERÊ TI MO: ‘Na yâ ti aye wa la mbi lingbi ti sara ngangu mingi ti wara tufa ti Jéhovah?’