Mo leke terê ti mo awe?

Tongana mbeni kota kpale asi na ndo so mo yeke dä, mo leke terê ti mo awe? Yengingo ti sese, kota pupu, awâ so agbi gbako nga na angu so asuku amû ndo, alingbi ti si gbagburu tongaso na abuba aye ngangu. Na ndö ni, akpale ti aterroriste, azo so ayeke londo ti fa ngonzo ti bê ti ala nga na akobela so amû ndo alingbi ti si na ndo kue sân ti tene e ku terê ti e na ni (Zo 9:11). E doit ti tene ape so aye tongaso ayeke si lâ oko ape na ndo so e yeke dä.

E kue e doit ti sara ambeni ye ti leke terê ti e ndali ti mbeni kota kpale (aPr 22:3). Atâa so bungbi ti Jéhovah ayeke leke aye ti mû maboko na e na angoi ti kota kpale, e oko oko la e doit ti leke terê ti e.​—aGl 6:5.

BÂ VIDÉO MO LEKE TERÊ TI MO AWE NDALI TI MBENI KOTA KPALE? NA PEKONI KIRI TËNË NA AHUNDA SO:

• 

  Ti duti na nzoni songo na Jéhovah ayeke aidé e tongana nyen na ngoi ti mbeni kota kpale?

• 

  Ngbanga ti nyen a yeke kota ye ti . . .

  • • ngbâ ti sara lisoro na a-ancien kozo na mbeni kota kpale, na ngoi ni nga na pekoni?

  • • leke mbeni bozo so mo peut ti mû ni hio ti hon na ni?​—g17.5-F l. 6

  • • sara lisoro na ndö ti akota kpale nde nde so alingbi ti si nga ye so e lingbi ti sara tongana akpale ni asi?

• 

  Alege ota wa la e lingbi ti mû maboko na azo so mbeni kota kpale asi na ala?