Ngbâ ti leke terê ti mo na hunzingo ti “lâ ti nda ni”

Na ngoi so e yeke gbu ngangu na hunzingo ti “lâ ti nda ni” so, e yeke ku ti tingbi na angangu kpale (2Tm 3:1; Mt 24:8). Na ngoi so mbeni kota kpale asi, fani mingi awakua ti Jéhovah ayeke wara fango lege na ngoi so alingbi na ni nga so ayeke sö fini ti zo. Tongaso ti sö kuâ ande e doit ti mä yanga ti leke terê ti e laso, atâa na lege ti yingo wala na lege ti mitele.—Lc 16:10.

• Leke terê ti mo na lege ti yingo: Gi ti manda ye lakue, manda akode nde nde ti fango tënë. Zia si li ti mo aga kirikiri pëpe tongana a zia mo nde na aita ti congrégation teti mbeni ngoi (És 30:15). A yeke zia mo nde na Jéhovah na Jésus lâ oko ape.—od l. 176 par. 15-17

• Leke terê ti mo na lege ti mitele: Leke mbeni bozo so mo peut ti mû hio ti hon, nga zo oko oko adoit ti mû kete réserve ti kobe, ngu, yorö nga na ambeni ye so zo abezoin ni hio so apeut ti ngbâ aninga na ndo so mo kpe dä.—aPr 22:3; g17.5-F l. 4, 6

BÂ VIDÉO MO LEKE TERÊ TI MO AWE NDALI TI MBENI KOTA KPALE? NA PEKONI KIRI TËNË NA AHUNDA SO:

• 

  Tongana nyen la e lingbi ti leke terê ti e na lege ti yingo ndali ti mbeni kota kpale?

• 

  Ngbanga ti nyen la e doit . . . 

  • ti ngbâ ti sara lisoro nzoni na a-ancien?

  • leke mbeni bozo so e peut ti mû ni hio ti hon na ni?

  • ti sara lisoro na ndö ti akota kpale nde nde so alingbi ti si nga ye so e lingbi ti sara tongana akpale ni asi?

• 

  Na alege ota wa la e lingbi ti mû maboko na ambeni zo so kota kpale asi na ala?

HUNDA TERÊ TI MO: ‘Aye wa la mbi lingbi ti manda na ndö ti lekengo terê na ngoi ti COVID-19 so amû ndo?’