Mo lingbi ti mû ngoi nga na ngangu ti mo ti mû na matabisi?

Tongana ti so Ésaïe afa kozo awe, mbage ti bungbi ti Jéhovah so ayeke na sese ayeke gue na li mingi ahon ti kozo (És 54:2). Ye so a hunda ti leke afini Da ti Royaume, ti a-assemblée nga na ada ti Béthel. Na peko ti so a leke ada ni, a bezoin ngoi na ngoi ti bâ lege ni nga peut-être a doit ti kiri ti leke peko ti ambeni. Alege wa la azi na e ti mû ngoi nga na ngangu ti e na Jéhovah?

• E lingbi ti mû mbage na nettoyage ti Da ti Royaume na ngoi so ayeke tour ti groupe ti fango tënë ti e

• E lingbi ti duti volontaire ti wara formation ti bata Da ti Royaume ti e

• E lingbi ti sara Demande d’admission comme volontaire local développement/construction (DC-50) ti mû mbage na lekengo ando so e yeke voro Jéhovah dä nga na lekengo peko ni

• E lingbi ti sara Demande d’admission comme volontaire (A-19) ti mû yenga oko wala mingi ti sara kua na yâ ti Béthel ti kodro ti e wala ti mbeni kodro nde

BÂ VIDÉO MBENI FINI PIALO TI LEKENGO DA—KETE MBAGE NI, NA PEKONI KIRI TËNË NA AHUNDA SO:

• Fa tongana nyen la depuis 2014 e yeke sara kua na avidéo mingi ahon ti kozo?

• Ti sigi na avidéo so e bezoin ni ndali ti abungbi ti e, pialo wa la a leke? Kua ni ayeke komanse lawa nga ayeke hunzi lawa?

• Tongana nyen la avolontaire alingbi ti mû maboko na yâ ti kua so?

• Tongana e yeke na nzara ti aidé na lekengo da ti Ramapo, ngbanga ti nyen la a lingbi e sara demande (DC-50) nga e mû maboko na akua ti lekengo ada so ayeke voro Jéhovah dä so ayeke nduru na ndo ti e?

• Nyen la afa polele so Jéhovah ayeke fa lege na kua so?

• Tongana nyen la e lingbi ti mû maboko na kua so même tongana dutingo ti e amû lege na e ape?