Nda ti asandaga so a mû na Jéhovah

1:3; 2:1, 12; 3:1

Ndia ti Moïse ahunda na azo ti Israël ti mû asandaga na Jéhovah; asandaga ni azia lani ngia na bê ti lo mingi na ayeke fä ti sandaga ti Jésus wala ti aye ti nzoni so aga na pekoni.—aHb 8:3-5; 9:9; 10:5-10.

• Gï tongana ti so anyama kue so a yeke mû lani na sandaga adoit ti duti ala so sioni ye oko ayeke na terê ti ala ape, Jésus nga amû terê ti lo so ayeke mbilimbili-kue so sioni oko ayeke dä ape na sandaga.—1Pi 1:18, 19

• Gï tongana ti so a yeke mû lani anyama so a zö ni agbi kue na ngbongboro ni na sandaga na Jéhovah, Jésus nga amû terê ti lo kue na Jéhovah

• Tongana ti so azo so ayeke mû lani sandaga ti beoko na Nzapa ayeke na siriri na lo, aChrétien so a soro ala ti gue na yayu so ate mapa nga anyon vin ti Mémorial ayeke nga na siriri na lo