GIGI TI E TI CHRÉTIEN
Mo leke terê ti mo awe ndali ti kota kpale ti nginza?
A étonné e ape tongana aye so asi na yâ ti dunia asara si kpale ti nginza amû yâ ti dunia kue. Ngbanga ti nyen? Ngbanga ti so e yeke na hunzingo ti lâ ti nda ni nga Bible awa e mingi ti zia beku ti e pëpe “na ndö ti amosoro so ayeke ye ti ziango bê dä pëpe so.” (1Tm 6:17; 2Tm 3:1). Nyen la e peut ti manda na lege ti tapande ti Gbia Josaphat na ndö ti lekengo terê ndali ti kota kpale ti nginza?
Na ngoi so amara so ayeke awato ti azo ti Nzapa azia mbeto na yâ ti Josaphat, lo zia bê ti lo na Jéhovah (2Ch 20:9-12). Lo sara ambilimbili nzoni ye ti leke azo ti lo kozo, na lege so lo leke agbagba na terê ti agbata ni nga lo zia aturugu ti bata ni (2Ch 17:1, 2, 12, 13). Legeoko tongana ti Josaphat, a yeke nzoni e zia bê ti e na Jéhovah nga e leke terê ti e ndali ti angoi ti ngangu.
BÂ VIDÉO MO LEKE TERÊ TI MO AWE NDALI TI MBENI KOTA KPALE? NA PEKONI KIRI TËNË NA AHUNDA SO:
Nyen la e wani e peut ti sara ti leke terê ti e ndali ti mbeni kota kpale?
Tongana nyen la e peut ti leke terê ti e ti aidé azo?