Ye Ti Mandango Ni

Gi ti hinga ye mingi na ndö ti apendere sarango ye ti Jéhovah

Na ngoi so e yeke diko Bible, e peut ti sara recherche ti mä yâ ti aye so e yeke diko nzoni. Me e ye pëpe gï ti hinga aye mingi. E ye ti hinga ye mingi na ndö ti apendere sarango ye ti Jéhovah so apeut ti pusu e ti ye lo mingi. Ti sara ni, e peut ti hunda terê ti e, e tene: ‘Mbaï so afa na mbi nyen na ndö ti Jéhovah?’

Na tapande, mo peut ti gi ti hinga aye mingi na ndö ti asarango ye ti Jéhovah so: ndoye, ndara, mbilimbili nga na ngangu. Me gï asarango ye ti Jéhovah kue la ape. Lo yeke nga na ambeni pendere sarango ye. Mo peut ti gue na ndo wa ti hinga aye mingi na ndö ni?

Bâ molongo ti ambeni sarango ye ti Jéhovah ahon 50 na yâ ti Index des publications des Témoins de Jéhovah na gbe ti li ti tënë “Jéhovah” nga na kete li ti tënë “Qualités par nom.” Sara recherche na ndö ti ambeni so ague oko na mbaï so mo yeke diko ni. (Tongana mo yeke gï na Mbeti ti sarango na recherche ndali ti aTémoin ti Jéhovah, bâ li ti tënë “Jéhovah Nzapa” na pekoni bâ kete li ti tënë “Asarango ye ti terê ti Jéhovah.”)