Gi anzoni ye so ayeke na yâ ti Bible so mo peut ti sara ye alingbi na ni

Na ngoi so e yeke diko Bible, e peut ti wara anzoni ye tongana e sara recherche. Me tongana nyen la e peut ti wara ye ti nzoni mingi?

Gi ti hinga anzene nzene tënë na ndö ti ambaï ti Bible. Na tapande, gi ti hinga zo wa la asû mbaï ni, lo sû ni na azo wa nga lo sû ni lawa. Nyen la asi na ngoi ti mbaï ni, nyen la asi kozo na ni nga nyen la asi na pekoni?

Gbu li na ndö ti aye so mo peut ti manda na lege so mo sara recherche na ndö ti ahunda so: ‘Tënë ti bê ti azo so mbi diko ye na ndö ti ala ayeke lani so wa? Asarango ye wa la ala yeke lani na ni? Ngbanga ti nyen la a yeke nzoni mbi mû tapande ti anzoni sarango ye ti ala wala mbi kpe asioni ni?’

Sara ye alingbi na aye so mo manda peut-être na fango tënë wala na yâ ti sarango ye ti mo na azo. Tongana mo sara tongaso, mo yeke fa so mo yeke bâ yâ ti ye nzoni tongana ti so Bible atene: “Azo kue so asara ye alingbi na yanga so lo mû na ndö ti aye nde nde afa so ala hinga ti bâ yâ ti ye nzoni.”—Ps. 111:10.

• Wango: Bâ tongana nyen la aye so ayeke na yâ ti bungbi ti milieu ti yenga na mbage Anzoni ye so ayeke na yâ ti Bible ayeke aidé e ti sara ye alingbi na aye so e manda. Na yâ ti mbage so, e yeke lakue na ahunda so e peut ti hunda terê ti e na ni, atënë nga na afoto so e peut ti gbu li na ndö ni.