Mo yeke nduru ti he bia na Jéhovah na ngoi ti abungbi?
1 Lekengo tere teti abungbi andu nga lekengo tere ti he abia ti sepela na Nzapa. Bâ awango so ge.
2 Gbu nda ti atënë ni: Versê so ayeke na gbe ti li ti tënë oko oko ti abia ni na ati so ayeke na nda ni amû maboko ti hinga ndo so si a yeke wara atënë ni na yâ ti Bible.
3 Manda ni: Mo lingbi ti mû mbeni mbage ti ngoi so mo mû ti manda na tënë ti Nzapa na sewa yenga oko oko ti manda na afini bia so. Mû abia so ala yeke he ande na bungbi, na he ni legeoko na mozoko ti piano ni. Mo lingbi ti zia CD He bia na Jéhovah: so azo ahe bia na yâ ni, CD 1 ti manda tongana nyen a yeke he na ambeni fini bia ni nga ti hinga atënë ti yâ ni.
4 Mo yeke duti ande nduru na ngoi so congrégation ti mo ayeke sara kusala na buku He bia na Jéhovah? En, gi tongana mo mû ngoi ti gbu nda ti atënë ti yâ ni na ti manda ni.