Hasaawa Jammarate Kaaꞌlanno Lawishsha

Aganunnite Umi Qidaamera Qullaawu Maxaafi Xiinxallo Jammarsiisa

“Duuchu manni Yesuusi daanno yanna quqquxame agadhe no. Isi galagale daanno wote maa assara hasiꞌratto?” Dawaro qola geeshsha agari. Hakkiinnino Sadaasa 1⁠nite Agarooshshu Shaera badhiidi qoolira noo birxicho leellishshesi kaꞌeenna, umi xaꞌmo hunda noo assaawe mitteenni hasaabbe; qoleno ajayi ajeenna mitte xiqise nabbawi. Metseetta uyitesi kaꞌe, aante noo xaꞌmo hasaawate dinye amadi.

Agarooshshu Shae Sadaasa 1

“Yannankera mannu lowo coyira jaatanaawanno daafira Maganunnire hedate yanna diafiꞌranno. Maganunni heeꞌra hasiisannonkeha lawannohe? [Dawaro qola geeshsha agari.] Yesuusi Ilaalu Sibikatesi aana halaalaancho hagiirre afiꞌrate ayyaanaamittete coyi hasiisannonketa coyiꞌrino. [Maatewoosi 5:3 nabbawi.] Tini metseete Maganunni heeꞌra hasiissannonkeha sase korkaata kultanno.”

Baqqi Yiiyye! Sadaasa

“Rooru manni mitto coye hedannohu zeenaho kullanna macciishshinori woy gaazeexaho nabbawino coyi garinniiti. Kullanni odoo baala garanna noore labbannohe? [Dawaro qola geeshsha agari.] Qullaawu Maxaafi macciishshineemmo coye baala ammanneemmokki gede qoropha hasiissannonketa amaalanno. [Iyyoobi 12:11 nabbawi.] Tini borro macciishshineemmonna nabbambeemmori noore ikkinotanna teꞌee badate kaaꞌlitannonke assaawe amaddino.”