Qullaawu Maxaafi Xaꞌmonna Dawaro
Buxima heedhannokki alame dagga ikka?
Maganu Buxima Nookki Alame Abbannohu Hiittoonniiti?—Maatewoosi 6:9, 10.
Tutunsite amaddino buximanni kainohunni sagale hoogenna xiwame diru kiiro lowo miliyoone ikkanno manni reyanno. Mite gobbuwa dureeyye ikkiturono, rooru manni buutote buxima giddo no. Qullaawu Maxaafi buxima mannu ooso lowo diro mitiinsitanni heedhinota kulanno.—Yohaannisi 12:8 nabbawi.
Buxima hunate, mitte alamete mangiste hasiissanno. Hatti mangiste alamete jiro manna baalaho taashshite beehatenna buximate qara kora ikkinoha ola huna dandiitannota ikka hasiissannose. Maganu hattoota alamete mangiste abbara qaale eino.—Daanieeli 2:44 nabbawi.
Buxima huna dandaannohu ayeti?
Maganu mannu ooso baala gashshara Beettosi Yesuusa shoomino. (Faarso 2:4-8) Yesuusi buxane qarrunni gatisannonsa; hattono gadadonna finqille hunanno.—Faarso 72:8, 12-14 nabbawi.
Yesuusi balanxe masaalloonniha “Salaamete Halaqicha” ikkinohura, alamete aana salaame heedhanno gedenna teense heeꞌnanni gede assanno. Hakkiinnino uullate aana heeꞌranno mannira baalaho uminsa mini, hagiirsiisanno loosinna falakkino sagale heedhannonsa.—Isayyaasi 9:6, 7; 65:21-23 nabbawi.