Qullaawu Maxaafi Mayyaanno?
Ammaꞌno mannu kalaqinoreeti?
MITU MANNI ammaꞌno mannu kalaqinoreeti yaanno; wolu kayinni Maganu mannu isiwa shiqanno gede assate ammaꞌno horoonsiꞌranno yaanno. Atera ma lawannohe?
QULLAAWU MAXAAFI MAYYAANNO?
“Maganu Annu albaanni keeraanchonna battaabbinokki ammaꞌno” no. (Yaiqoobi 1:27) Battaabbinokkita woy addu ammaꞌno xintinohu Maganoho.
QULLAAWU MAXAAFINNI WOLERE MAA RONSEEMMO?
Magano hagiirsiissanno ammaꞌno Qullaawu Maxaafi halaali aana xintantinote.—Yohaannisi 4:23, 24.
Mannu hedo aana xintantino ammaꞌno haafate. —Maarqoosi 7:7, 8.
Mitte ammaꞌno miila ikka hasiissannohe?
ATI TENNERA MAYYAATTO?
Ee
Deeꞌni
Lamente
QULLAAWU MAXAAFI MAYYAANNO?
“Baxille afiꞌratenna dancha looso loosate mimmitonke kakkayinso. . . . Ronsoommoha xaadonke agurroonke.” (Ibiraawoota 10:24, 25) Maganu Iso magansiꞌranno manni mittimmatenni magansiꞌrara hasiꞌranno.
QULLAAWU MAXAAFINNI WOLERE MAA RONSEEMMO?
Magano mitteenni magansiꞌranno manni ammanatenni mittimma afiꞌra hasiissannonsa.—1 Qorontoosi 1:10, 11.
Magano hagiirsiissanno ammaꞌno miilla alame woꞌmate noo roduuwa ikkitanno. —1 Pheexiroosi 2:17.