Hasaawa Jammarate Kaaꞌlanno Lawishsha

Aganunnite Umi Qidaamera Qullaawu Maxaafi Xiinxallo Jammarsiisa

“Mannu baalunku seeda diro hagiidhanni heeꞌra hasiꞌranno. Ikkina, sayinsenna xagichu hegerera heeꞌneemmo gede assanno barri heeꞌrannoha lawannohe? [Dawaro qola geeshsha agari.] Hanni tini borro yitannore lai.” Maaja 1⁠nite Agarooshshu Shaera badhiidi qoolira noo birxicho leellishittosihu gedensaanni, umi xaꞌmo hunda noo assaawe mitteenni hasaabbe; qoleno ajayi ajeenna mitte xiqise nabbawisi. Metseetta uyitesi kaꞌe, aante noo xaꞌmo hasaawate qaxaro amadi.

Qaagiishsha: Hasaawa jammarate kaaꞌlannohu kuni lawishshi, aganunnite umi Qidaamera simirriitete gambooshshira loonse leellinshanni ikkitonni shiqanno gede assa hasiissanno.

Agarooshshu Shae Maaja 1

“Qooxeessinkera heeꞌrannohu addi addi manni xaꞌmannota, ‘Qarru iillannonke wote Maganu mararannonke?’ yitanno xaꞌmo kayinse hasaambanni haꞌnanni heeꞌnoommo. Mitte mittente maatera addi addi qarri lawishshaho, ordu keere hooga, angate anje, cannaqisiisannori woy wolu qarri iillansara dandaannoti anfoonnite. Ikkina ati tennera mayyaatto? Mannu oosora qarru iillannonsa wote Maganu mararannonsaha lawannohe? [Dawaro qola geeshsha agari.] Maganu mannisi qafadame haꞌrinowa qarru iillinsa wote Wolapho 3:7 aana mayyiinoro laꞌno. [Xiqise nabbabbe kaꞌe Maganu mararannota xawissanno qaalla luphi assi.] Tini borro tenne xaꞌmora dawaro ikkitannota roore assaawe amaddino.”

Baqqi Yiiyye! Maaja

“Konni qooxeessira heeꞌranno manni ledo, Maganu Mangistere hasaambanni haꞌnanni heeꞌnoommo. Yesuusi tini Mangiste daggara huucciꞌneemmo gede kulinonketa atino qaagattoha ikkara dandaanno. Ikkina tini Mangiste dagguro maa assitannoha lawannohe? [Dawaro qola geeshsha agari.] Tenne Mangistere Daanieeli 7:14 fane leellishohe? [Xiqise nabbabbe xawisi.] Tini borro, Maganu Mangiste dagguro abbitanno atoote xawisse kulte hexxo heedhannonke gede kaaꞌlitannonke daafira nabbawatto gede koyinseemmohe.”

Maganuwiinni Dayinoha Dancha Duduwo!

“Qooxeessinkera noo mannira Qullaawu Maxaafi giddonni jawaachishannore kullanni heeꞌnoommo. Hasaawinsoommohu batinyu manni, baxillaanchu Magani alamete aana qarru heeꞌrara faqqadinohu mayiraati yee hedanno. Ikkina Maganu hunda uulla qarru heeꞌranno gede asse kalaqinoha lawannohe?” Dawaro qola geeshsha agari. Hakkiinnino tenne biroshereha 5⁠^ki roso fanteenna umitanna layinki gufo, hattono haawiissine borreessinoonni xiqisubba nabbabbine hasaabbe. Biroshere uyitesi kaꞌe aante noota duꞌminse borreessinoonni xaꞌmo hasaawate qaxaro amadi.