Hasaawa Jammarate Kaaꞌlanno Lawishsha

Aganunnite Umi Qidaamera Qullaawu Maxaafi Xiinxallo Jammarsiisa

“Keereho? Adhanna adhama seekkiꞌrate kaaꞌlitanno amaale mannaho haransine kullanni haꞌnanni heeꞌnoommo. Ati, maate hagiirraame ikkitannokki gede guficho ikkinohu waannu coyi maati yaatto?” [Dawaro qola geeshsha agari.] Wocawaaro 1⁠nite Agarooshshu Shaera badhiidi qoolira noo birxicho leellishittosihu gedensaanni, umi xaꞌmo hunda noo assaawe mitteenni hasaabbe; qoleno ajayi ajeenna mitte xiqise nabbawisi. Metseetta uyitesi kaꞌe, aante noo xaꞌmo hasaawate qaxaro amadi.

Agarooshshu Shae Wocawaaro 1

“Maganu qarrunna shetto togo batidhara sammi yiinohu mayiraatikka yee huluullamanno manni ledo hasaambanni haꞌnanni heeꞌnoommo. Ati togo yite hedde egennootto? [Dawaro qola geeshsha agari.] Qullaawu Maxaafi albillitte xissonna wiꞌla horonta heedhannokki yanna dagganno yaannota afa hagiirsiissannote. [Ajuuja 21:4 nabbawi.] Tini borro qarru togo batiꞌranno gede assinoha onte qara coye kultanno. Qoleno, Maganu qarra hunanno gara Qullaawu Maxaafi mayyaannoro xawissanno.”

Baqqi Yiiyye! Wocawaaro

“Keereholla? Qachinke mannira maatete kaaꞌlannore kullanni haꞌnanni heeꞌnoommo. Duuchu mannira galtensa baddalo gatona yee saꞌꞌa kabbaaddannonsa. Mitu manni, techo gatona yee saeemmoha ikkiro gaꞌano qolte baddaltannoe yee hedanno. Ate hedora, minaanniranna minaamara mimmito maare saꞌꞌa kabbaade ikkitannonsahu mayiraati? [Dawaro qola geeshsha agari.] Maganu Qaali gatona yaa hasiissannonkehu mayiraatiro kulanni yaannore lai. [Efesooni 4:32 nabbawi. Hakkiinnino, metseetete qoola 10 noo birxicho leellishi.] Tini borro gatona yaa uyitanno horonna gatona yaa hooga abbitanno gawajjo xawissanno.”