Lawishsha Ikkannoha Hasaawu Bitima

Qaagooshshu Ayyaani Zamachira

“Lowo geeshsha hasiisanno ayyaanira manna koyinsanni woraqata tuqinsanni heeꞌnoommo. Dotteessa 6nni alamete doyichora lowo miloone ikkanno manni Yesuusi Kiristoosi reyo qaagooshshe ayirrisate gamba yaanno. Hakko ayyaani barra Yesuusi reyo ninkera kaaꞌlitannonkehu hiittoonniitiro Qullaawu Maxaafinni kullanni. Kuni koyishshu woraqati qooxeessinkera konne ayyaana ayirrinsanni bayichonna yanna kulanno.”

Agarooshshu Shae Dotteessa 1

“Rooru manni assannoha mitto coye kayinse haransine hasaambanni haꞌnanni heeꞌnoommo. Rooru manni ammaꞌnonsa baxxutano ikkituro, huuccatto assiꞌranno. Maganu isi huuccatto macciishshannonso, huucciꞌneemmohu mulla sheshifatate yine callaati? Ati tennera mayyaatto? [Dawaro qola geeshsha agari.] Qullaawu Maxaafi huuccattote daafira mayyaannoro lai. [1 Yohaannisi 5:14 nabbawi.] Tini metseete huuccatto kaaꞌlitannonkehu hiittoonniitiro xawisanno.”

Baqqi Yiiyye! Dotteessa

“Xaa yannara lowo geeshsha rosamanni dayinohu mittu buutote qarrira mala ikkannore hasaambanni haꞌnanni heeꞌnoommo. Mitu manni heeshshonsa gari lowo geeshsha hexxo mursiisannonsa daafira, insaneeto shaate kaꞌꞌanno. Mittu manchi hakkoye deerra marannohu addinta reya hasiꞌreetinso, cannaqisiisinosi coyinni fooliishshiꞌra hasiꞌreeti? Tini atera ma labbannohe? [Dawaro qola geeshsha agari.] Hanni lowo mannira dancha hedo heedhannonsa gede kaaꞌlitinota mitte Qullaawu Maxaafi xiqise laꞌno. [Ajuuja 21:3, 4 nabbawi.] Tini borro mittu manchi qarru batiꞌrisirono lubbote heeꞌranno gede assannosiha sase korkaata kultanno.”