Maganu Yaannore Macciishshi—Yitanno Biroshere Horoonsiꞌnanni Gara

Maganu Yaannore Macciishshi yitanno biroshere qixxeessinoonnihu gari geeshsha nabbawa dandaannokki manni misilla lae xintunniha Qullaawu Maxaafi halaale rosanno gedeeti. Lame qoola afiꞌrinohu mittu mittunku rosi qorophine qixxeessinoonni misilla amadino; mitte misile mule, hasaambe kaꞌniro aantete hasaambanni misile leellishshannoti worbicho labbanno malaatta no.

Maganu Yaannore Macciishshite Hegerera Heeꞌri yitanno biroshere Maganu Yaannore Macciishshi yitanno biroshere ledo mittu gari misilla afidhinoha ikkirono, mito geeshsha nabbawa dandaanno rosaancho xiinxallisate kaaꞌlannore nabbambannire afidhino. Halashshaano, Maganu Yaannore Macciishshi yitanno biroshere xiinxallissanno wote, Maganu Yaannore Macciishshite Hegerera Heeꞌri yitanno biroshere horoonsiꞌransa dancha ikkitinota huwattino. Batinyu qoolira rosaanchu dandoo garinni, hasaawa dandiinanniti ledote taje amaddino saaxine no.

Aganu giddo ellanni borro wole ikkiturono, lamenta biroshere woꞌmanka wote ela dandiitinanni. Qullaawa Maxaafa xiinxallissinanni wote Qullaawu Maxaafi roso xawisate misilla horoonsidhe. Rosaanchu hedosi coyiꞌranno gedenna roso huwatinoronna teꞌee buuxate xaꞌmo xaꞌme. Mittu mittunku qoolira lekkaalloonni noo qummeeshshuwa nabbabbine hasaabbe. Tenne biroshere guddini gedensaanni, rosaanchu ayyaanaamittetenni lophe cuuamanno gede kaaꞌlate, Qullaawu Maxaafi Addinta Mayyee Rosiisanno? Woy yaanno maxaafa xiinxallisse.